Илсур Метшин Габдулла Тукай һәйкәленә чәчәкләр салды

Бүген шагыйрьнең тууына 134 ел булды.

(Казан шәһәре KZN.RU, 26-нчы апрель). Бүген, Габдулла Тукайның тууына 134 ел булган көндә, Казан Мэры Илсур Метшин бөек татар шагыйре һәйкәленә чәчәкләр салды.

Исегезгә төшерәбез, 26-нчы апрельдә республикада гадәттәгечә Туган тел көне билгеләп үтелә. Быелгы санитар-эпидемиологик вәзгыять аркасында Габдулла Тукайның туган көненә багышланган барлык чаралар дистанцион режимда уздырыла. Бүген республика халкы Казанның Үзәкләштерелгән китапханә системасы сайтында «Минем өчен шигърият - шатлык...» дигән онлайн-күргәзмә карый һәм шагыйрь әсәрләре белән таныша ала, «Тукай белән очрашу» блиц-викторинасында катнашачак, Габдулла Тукайның тормышына һәм иҗатына багышланган музей экспозициясе буенча виртуаль сәяхәт ясаячак, шулай ук «Татар мотивлары» техникасында мастер-класска кушыла алачак.

Искәртеп узабыз, бөек татар шагыйре Габдулла Тукайның тууына 134 ел булды. Ул - рус һәм чит ил классикларының күпсанлы әсәрләрен татар теленә тәрҗемә иткән автор, татар вакытлы газеталары һәм журналлары башында торучы, иллюстрацияләрне үз әсәрләренә кертүче мөселман шагыйрьләренең берсе, күптөрле әсбаплар авторы - бүгенге көнгә кадәр алар укытучылар һәм тикшеренүчеләр өчен өстәл китабы булып тора.

Фоторепортаж

И.Метшин Габдулла Тукай һәйкәленә чәчәкләр салды

Шулай ук укыгыз

Барлык яңалыклар