Илсур Метшин Идел буе федераль округы субъектлары башкалаларының беренче затларының август аена медиарейтингын җитәкләде

Лидерлар өчлегенә шулай ук Түбән Новгород һәм Самара шәһәрләре башлыклары керде

Казан мэры Илсур Метшин 2025 елның августында Идел буе федераль округы субъектлары башкалалары башлыкларының медиарейтингын җитәкләде. Шәһәр башлыгы медиаиндексы федераль һәм төбәк массакүләм мәгълүмат чараларын анализлау нәтиҗәләре буенча 20 мең 472 пункт тәшкил иткән.

Массакүләм мәгълүмат чаралары Илсур Метшинның Казанда «Новая волна» халыкара танылган музыка яшь башкаручылары конкурсын уздыру өчен New Wave Hall концерт мәйданчыгы төзелеше барышын бәяләве турында яздылар. Татарстан Республикасы башкаласы башлыгы шулай ук фестиваль нәтиҗәләренә багышланган матбугат конференциясендә катнашты. Ә РФ халык артистлары Игорь Крутой, Игорь Матвиенко һәм Игорь Николаев белән бергә шәһәр мэры Илсур Метшин «Новая волна» сәнгать объектын тәкъдир итте.

IV чакырылыш Казан шәһәре Думасының XL сессиясендә Илсур Метшин Татарстан башкаласында Универсиада Авылы һәм Республика клиник хастаханәсе ягына метро сала башладылар дип белдерде.

Август аенда мэр күренекле шәһәрлеләрне «Казанның Мактаулы гражданины» исеме белән бүләкләү тантанасында катнашты. Шул ук вакытта Илсур Метшин казанлыларга туган шәһәрләрен яратулары өчен рәхмәт белдерде һәм Республика көне белән котлады.

Рейтинг лидерлары өчлегендә шулай ук Түбән Новгород башлыгы Юрий Шалабаев һәм Самара башлыгы Иван Носков та бар иде.

Шулай ук укыгыз

Барлык яңалыклар