Яңалыклар
04.09.2023, 12:49
Илсур Метшин: «Киләсе елда Казан лагерьларында балаларның ял итү мөмкинлекләре артачак»
Быелгы җәйдә сәламәтләндерү кампаниясе 44 меңнән артык баланы колачлады
Фото: Марат Мөгыйнов
(Казан шәһәре KZN.RU, 4 нче сентябрь, Юлия Летникова). Бу җәйдә 157 смена 146 мәктәп яны, 27 шәһәр яны, ике палаткалы һәм башка лагерьларда оештырылган. Сәламәтләндерү кампаниясе 44 меңнән артык Казан баласын колачлады. Сорау оешмаларның сыйдырышлылыгы белән чикләнә, әмма киләсе елда балаларның Казан лагерьларында ял итү мөмкинлекләре артачак – дип ышана шәһәр Мэры Илсур Метшин.
«Балаларның җәйге ялларына күпме күбрәк игътибар бирәбез, матди-техник базаны камилләштерәбез, сәламәтләндерү лагерьларын капиталь ремонтлыйбыз, аларга ата-аналар тарафыннан шулкадәр күбрәк ихтыяҗ. Бүгенге көндә без капиталь ремонт керткән өч шәһәр читендәге лагерьда шартлар бик яхшы. Бу хәтта капиталь ремонт түгел, ә корпусларны капиталь төзү. Яңартылган лагерьларда үткәрү сәләте шактый арткан булса да, ял итәргә теләүчеләр безнең урыннардан күбрәк», – диде аппарат киңәшмәсендә шәһәр башлыгы.
Аның сүзләренчә, бу эш тукталмый – быел «Яшь гвардия» лагерен тулысынча модернизацияләүне тәмамлау планлаштырыла. «Иске агач биналар урынында барлык уңайлыклары булган заманча йокы корпуслары, клубның һәм ашханәнең яңа биналары төзелде, яхшы спорт инфраструктурасы булдырылды. Киләсе елда балаларны шәһәр читендәге лагерьларда урнаштыру мөмкинлекләре артачак», - дип ышандырды Мэр.
Башкарма комитетның Балалар һәм яшьләр эшләре комитеты рәисе Алия Заһидуллина сөйләгәнчә, Казанда җәйге сәламәтләндерү кампаниясен финанслауның гомуми күләме 484,54 млн сум тәшкил иткән. Лагерьларда авыр тормыш хәлендә булган 669 бала, шулай ук махсус хәрби операцияләрдә катнашучыларның гаиләләреннән 300 гә якын бала бушлай ял итте.
Җәйге сезонга әзерлек вакытында балаларның ялы куркынычсыз булсын өчен барлык факторлар да исәпкә алынган: лагерьларда террорчылыкка каршы саклану паспортлары расланган, гадәттән тыш хәлләр вакытында эш итү алгоритмы эшләнгән, оешмаларны дәүләт күзәтчелеге һәм Россия кулланучылар күзәтчелеге таләпләренә туры килү-килмәүгә тикшергәннәр.
Җәйге сәламәтләндерү кампаниясе өчен «Город летних историй» бердәм концепциясе эшләнде. Балалар һәм ата-аналар Казанны таныткан галимнәр, спортчылар, рәссамнар тарихын искә төшерделәр.
Милли мәдәниятләр һәм традицияләр елы кысаларында Татарстанда «Молодежный» лагеренда «Хәзинә» иҗат сменасы узды. Ул республикада яшәүче халыклар тарихы белән кызыксынучы 160 баланы колачлаган. Шулай ук һәр лагерьда Татарстан халыкларының милли уеннары белән «Уен Фест» узды.
«Патриотик эшкә аерым игътибар бирелде. Донбасс корбаннарын искә алу көненә барлык лагерьларда митинглар һәм истәлекле чаралар узды. Шулай ук ел саен үткәрелә торган лагерьлар фестиваленең бер этабы «Көчлеләр сукмагы» уены формасында үткәрелде. Балалар автоматны җыю-сүтүдә, каршылыклар полосасын үтүдә ярышкан, противогазны вакытка киделәр, гранаталар ыргыттылар», - дип хәбәр итте Балалар һәм яшьләр эшләре комитеты рәисе. Ул Россия Федерациясе Оборона министрлыгы инициативасы белән Казан лагерьларында «Солдатка хат» бөтенроссия акциясе узуын өстәде: меңләгән егетләр үзләрендә катнашучыларга җылы сүзләр яздылар, хатларында егетләр хәрбиләргә батырлыклары өчен рәхмәт белдерделәр, җиңүләрен һәм тизрәк өйләренә кайтуларын теләделәр.
Август аенда Казанда беренче тапкыр профильле сыйныфларда укучы һәм табиб булырга теләүче укучылар өчен медицина сменалары оештырылды. Шул ук айда «Заречье» лагеренда креатив сменада «Медиа еж» проекты гамәлгә ашырылды. Дәресләргә балалар янына тележурналистлар, видеографлар һәм блоггерлар килгән, үз чиратында балалар массакүләм мәгълүмат чаралары булдырган һәм роликлар төшергән. Шулай ук җәй көне «Ял» үзәге лагере «Вдохновители» бөтенроссия хәрәкәте белән хезмәттәшлекне дәвам иткән.
Сәламәтләндерү кампаниясе Казан лагерьлары фестивале белән тәмамланган, анда балалар видео-роликлар һәм җанлы уникаль чыгышлар форматында чыгышлар тәкъдим иткән.
«Восток» лагеренда 30 нчы июльдән 8 нче августка кадәр мөмкинлекләре чикле балалар һәм аларның ата-аналары өчен «БЕЗ. Чикләрсез иҗат» сменасы узган. Смена 89 кешене берләштергән, шул исәптән Республика спорт адаптив мәктәбе тәрбияләнүчеләрен һәм «Синең файдага» балалар һәм өлкәннәргә ярдәм хәйрия фонды карамагындагыларны. Лагерьда балалар остаханәләрдә шөгыльләнгәннәр, командаларда күнегүләр ясаганнар һәм ярышканнар, әти-әниләре викториналарда катнашканнар һәм психологлар белән аралашканнар.
«Восток» – Казанда сәламәтлек мөмкинлекләре чикләнгән балалар өчен ял оештыруга яраклаштырылган бердәнбер лагерь. ТР Яшьләр эшләре министрлыгы гранты акчасына быел балалар белән эшләүдә актив кулланыла торган җиһазлар сатып алынды», – дип билгеләп үтте Алия Заһидуллина.
«Социаль блокның бай мәдәни һәм мәгариф программасын әзерләве, ә сменаларның иҗади атмосферада узуы мөһим», - дип аңлатма бирде Илсур Метшин.
Лагерьларда сменаны гамәлгә ашырырга профессиональ кадрлар ярдәм иткән – «Әйдаман уты» программасы буенча 100 дән артык студент белем алган. Әйдаманның отряд белән эшләвенә аерым игътибар бирелә – методистлар белән берлектә һәр әйдаман «Остаз сәгате» разработкасын яза. Һәр көн әйдаманнар балаларга танылган шәһәр кешеләре, Казанның уникаль һәм яраткан урыннары турында сөйләгән. Лагерь эшен планлаштыруга урамнарда, юлларда, суда куркынычсыз тәртип темасына чаралар кертелгән, дип йомгаклады спикер.
Фоторепортаж
Эшлекле дүшәмбе, 04.09.2023
Видеорепортаж
04.09.2023
12:45
Җәй көне Казан лагерьларында хәрби операциядә катнашучыларның гаиләләреннән 291 бала ял итте
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:02 -
29.04.2025, 10:11
