Илсур Метшин Instagramда туры эфир барышында стартап-проектлар өчен грантлар конкурсына гаризалар кабул итү башлануы турында игълан итте

Эшмәкәрләргә ярдәм итүнең тагын бер чарасы продукцияне теркәү һәм сертификацияләү чыгымнарын субсидияләү булачак.

Фото: Марат Мугинов

(Казан шәһәре KZN.RU, 3-нче сентябрь, Алинә Бережная). Казанда стартап-проектлар әзерләүчеләр өчен конкурска гаризалар кабул ителә башлады. Бу хакта бүген Instagramда туры эфир вакытында Казан Мэры Илсур Метшин хәбәр итте. 20 җиңүче 300 мең сум күләмендә субсидия алачак. Конкурсның төп шарты шунда ки, проектлар шәһәр хуҗалыгында, транспорт, икенчел чимал эшкәртү, торак-коммуналь хуҗалык, шәһәр мохитен төзекләндерү, мәгълүмати технологияләр кебек өлкәләрдә кулланылырга тиеш.

«Элек кече һәм урта эшмәкәрлеккә ярдәм итү буенча шәһәр программасы эшләде, без программаның банкир-партнерлары биргән процент ставкасын субсидияләдек. Июнь аенда без эшмәкәрлек вәкилләре белән очраштык, алар стартапларга иң катлаулысы туры килә, агымдагы икътисадый чынбарлыкта банклар алар белән сөйләшми, шуңа күрә без аларга ярдәм итәргә булдык», – диде Илсур Метшин.

Исегезгә төшерәбез, Казан стартаперлары шәһәр башлыгына җәй башында «Сәйдәш» мәдәни-күңел ачу үзәгендә кече һәм урта эшмәкәрлеккә ярдәм итү буенча координацион совет утырышында ярдәм итүне сорап мөрәҗәгать итте.

Конкурста Казанның кече һәм урта эшмәкәрлек субъектлары катнаша алачак. Конкурс йомгаклары буенча 20 җиңүче билгеләнәчәк, алар проектны эшләү һәм гамәлгә ашыру барышында башкарылган чыгымнарны каплауга 300 мең сумга кадәр субсидия алачак. Мисалга, җиһазлар һәм техника сатып алуга, программа белән тәэмин итүгә, чыгым материалларына, патентлаштыруга һәм сертификацияләүгә чыгымнар кайтарылырга мөмкин.

Конкурста катнашучыларга портфолио җыярга – проект турында презентация яки ролик ясарга, конкурс комиссиясе аның потенциалын һәм шәһәр икътисадының теләсә кайсы тармагында кулланылганда функционалын бәяли алсын өчен тәҗрибәле үрнәк ясарга кирәк.

Туры эфир вакытында Илсур Метшин эшкуарларга ярдәм итүнең тагын бер чарасы – теркәлү, сертификацияләү, продукция, хезмәт күрсәтү һәм сыйфат менеджменты системасы чыгымнарын һәм туры килү-килмәүне раслауның башка формаларын субсидияләү турында хәбәр итте. 50 мең сумнан да ким булмаган күләмдә субсидия 50 эшкуарга биреләчәк.

Әлеге ярдәм чарасы 2020 елның 1-нче гыйнварыннан 2021 елның 1-нче июленә кадәрге чорда тиешле хезмәтләр түләгән һәм аларны раслаучы документларны тапшыра алган эшмәкәрләргә мөмкин.

Ике ярдәм чарасы буенча да гаризаларны кабул итү 1-нче октябрьгә кадәр дәвам итәчәк.

«Бу әле башы гына. Яхшы проектларны күрсәк, сумманы арттырачакбыз. Сез актив булган саен, ярдәмнең яңа формаларын табачакбыз», – дип йомгаклады шәһәр башлыгы.

Эшмәкәрләргә ярдәм итүнең яңа чаралары турында тулырак мәгълүматны түбәндәге сылтама буенча табарга була. https://kzn.ru/meriya/ispolnitelnyy-komitet/komitet-ekonomicheskogo-razvitiya/biznes-v-kazani/

Шулай ук укыгыз

Барлык яңалыклар