Илсур Метшин: «Быел Казанда 57 йортта 156 лифтны алыштырачакбыз»

Илсур Метшин: «Быел Казанда 57 йортта 156 лифтны алыштырачакбыз»

<p> </p> <div class="detail-picture"> <img src="https://kzn.ru/upload/iblock/8bd/8bd9852d07416b1152ff96e404af66aa.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 19 нчы гыйнвар). 2025 елда Казанда лифтларны алыштыруга мохтаҗ йортлар саны артачак. Бу Азино-1 микрорайонындагы күп фатирлы йортларда җиһазларны эксплуатацияләү вакыты бер үк вакытта тәмамлану белән бәйле. 89 объектта 284 лифтны алыштырырга кирәк булачак, эшләрне башкару өчен 866 млн сум кирәк. Бу хакта шәһәр Мэры Илсур Метшинга бер еллык эш йомгаклары буенча хисап киңәшмәсендә Башкарма комитетның Торак-коммуналь хуҗалык комитеты рәисе Василий Лысачкин хәбәр итте. </p> <p> «Лифтлар – капиталь ремонт программасында иң кыйммәтле компонентларның берсе. Хәзер бу программаның булуы сөендерә. Хәтерлим, совет чорында урнаштырылган лифтларның эксплуатация срогы тәмамлангач, һәм шәһәрдә беренче тапкыр бу проблема барлыкка килгәч, күпләр бу бәланең масштабын аңламаган, ышандырырга, исбатларга туры килгән. Ә быел 57 йортта 156 лифтны планлы рәвештә алыштырачакбыз», - дип билгеләп үтте шәһәр башлыгы.  </p> <p> Иске лифт җиһазларын алыштыру күп фатирлы йортларны капиталь ремонтлау барышында башкарыла торган төп эшләр исемлегенә керә. Василий Лысачкин күп фатирлы йортларны яңартуның өч этаплы өч еллык программасын гамәлгә ашыруның беренче этабы тәмамлануын искәртте. Мәсәлән, 2023 елда 2,7 млрд сумлык 207 йорт ремонтланган, аерым алганда, 54 йортта 152 лифт алмаштырылган. </p> <p> Җиһазларны урнаштыру өчен аукционнар 2023 елда берьюлы өч елга үткәрелгән. Сатуда «ЛифтСтройКомпания» ҖЧҖ җиңде, ул хәзерге вакытта экспертиза өчен документлар пакеты әзерли.  </p> <p> Искәртеп узабыз, яңа күтәрү җиһазлары урнаштыру белән беррәттән, йортларны капиталь ремонтлау барышында фасадларда, түбәләрдә һәм инженерлык коммуникацияләрендә эшләр башкарыла. Алар республика һәм шәһәр бюджетлары, шулай ук милекчеләрнең взнослары хисабына башкарыла. Өч ел эчендә ТР башкаласында 7 млрд сумнан артык 554 йортны ремонтлау планлаштырыла.  </p> <p> Хисап киңәшмәсендә шулай ук Казан муниципаль берәмлеге башлыгының беренче урынбасары Денис Калинкин, Башкарма комитет җитәкчесе Рөстәм Гафаров, Башкарма комитет җитәкчесе урынбасары, Торак-коммуналь хуҗалык һәм гражданнарны яклау мәсьәләләре буенча куратор Искәндәр Гыйниятуллин, Башкарма комитет Аппараты җитәкчесе Булат Алиев катнашты. </p>

2024-01-19T13:25:25+0300