Илсур Метшин Россия Президенты Владимир Путинның Россия Федерациясе Федераль Җыенына Юлламасын уку тантанасында катнашты

Президент Юлламасын «Россия 1», «Россия 24» һәм «Первый канал» телеканаллары турыдан-туры трансляцияли.

(Казан шәһәре KZN.RU, 15-нче гыйнвар). Бу минутларда «Манеж» үзәк күргәзмәләр залында Россия Президенты Владимир Путин Федераль Җыенга еллык Юллама белән мөрәҗәгать итә. Чарада шулай ук Татарстан Республикасы Президенты Рөстәм Миңнеханов, Татарстан Республикасы Дәүләт Советы Рәисе Фәрит Мөхәммәтшин, Казан Мэры Илсур Метшин һәм башкалар катнаша.

Тантанага 1,3 меңгә якын кеше, шул исәптән Россия Федерациясе Хөкүмәте әгъзалары, Дәүләт Думасы һәм РФ Федерация Советы вәкилләре, Конституция һәм Югары суд җитәкчеләре, губернаторлар корпусы, Федерация субъектларының закон чыгару җыелышлары рәисләре, традицион конфессияләр башлыклары, җәмәгать эшлеклеләре, шул исәптән төбәкләрнең иҗтимагый палаталары башлыклары, эре массакүләм мәгълүмат чаралары җитәкчеләре чакырылган.

Чараны яктырту өчен 900-гә якын Россия һәм чит ил журналисты – төрле юнәлештәге чит ил һәм Россия массакүләм мәгълүмат чаралары вәкилләре аккредитацияләнгән.

Президент Юлламасын «Россия 1», «Россия 24» һәм «Первый канал» телеканаллары турыдан-туры трансляцияли. Сурдотапшыру «Общественное телевидение России» («ОТР») телеканалының туры эфирында, шулай ук «ОТР» сайтында башкарыла, дип хәбәр ителә kremlin.ru сайтында.

Шулай ук укыгыз

Барлык яңалыклар