Илсур Метшин Россия Эчке эшләр министрлыгының Казан буенча идарәсенең яңа җитәкчесен тәкъдим итте

Шәһәр башлыгы яңа идарә башлыгының зур тәҗрибәсен билгеләп үтте һәм аңа яңа вазыйфада уңышлар теләде.

(Казан шәһәре KZN.RU, 15-нче апрель, Ксения Швецова). Бүген эшлекле дүшәмбедә Татарстан башкаласы Мэры Илсур Метшин Россия Эчке эшләр министрлыгының Казан буенча идарәсе башлыгы Александр Мищихинны тәкъдим итте. Шәһәр башлыгы яңа идарә башлыгының зур тәҗрибәсен билгеләп үтте һәм аңа яңа вазыйфада уңышлар теләде.

«Александр Мищихин үз вазыйфаларын моңа кадәр дә яхшы башкарган, шактый хезмәт юлын үткән, Менделеевск, Лениногорск полициясендә эшләгән, көньяк-көнчыгыш һәм Кама аръягы төбәгендә хезмәт куйган һәм Казанда полиция башлыгы булып лаеклы эшчәнлек алып барган. Иң имин шәһәрдә яшәвебезне дәвам итәр өчен, сезнең барлык шартлар да бар», - дип билгеләде И.Метшин.

Исегезгә төшерәбез, элек Россия Эчке эшләр министрлыгының Казан буенча идарәсе башлыгы вазыйфасын Алексей Соколов башкарган иде, ул Татарстан Республикасы буенча Эчке эшләр министры урынбасары – полиция башлыгы итеп билгеләнде.