Илсур Метшин җәйге һәм көзге Казанның иң яхшы фотосурәтләренә конкурс үткәрергә тәкъдим итте

Конкурс нәтиҗәләре буенча иң яхшы эшләрдән фотоальбом булдырылачак.

(Казан шәһәре KZN.RU 17-нче июнь, Алинә Бережная). Казанда профессиональ һәм һәвәскәр фотографлар арасында шәһәрнең иң яхшы җәйге һәм көзге фотосүрәтләренә конкурс үткәрү планлаштырыла. Әлеге инициатива белән бүген Башкарма комитетта узган эшлекле дүшәмбе вакытында Казан Мэры Илсур Метшин чыгыш ясады.

Шәһәр башлыгы Казан ел саен яшелләнә һәм чәчәк ата, дип билгеләп үтте. «Бүген йөздән артык эре агач һәм куаклар утыртылган инде. Алар барысы да тернәкләнеп килә һәм Казан халкын шатландырып кына калмыйча, алга таба да эшләр башкарылачак яшел каркасны тудыралар», - диде И.Метшин һәм чәчәк ата торган Казанны фотога төшерергә кирәк, дип өстәде.

Шәһәрнең иң яхшы җәйге һәм көзге фотосүрәтләр конкурсында профессиональ фотографлар да, һәвәскәр фотографлар да катнаша ала. Конкурска нәтиҗәләр көз көне ясалачак, ә иң яхшы фотографияләрдән фотоальбом булдырылачак.

«Казанның җәйге һәм көзге фотосурәтләре аеруча матур. Без конкурска нәтиҗә ясап кына калмыйча, фотоальбом да ясаячакбыз. Бу кунаклар өчен дә, Казан халкы өчен дә яхшы бүләк булачак», - дип нәтиҗә ясады И.Метшин.