Илсур Метшин мәдәният хезмәткәрләрен һөнәри бәйрәмнәре белән котлады

Иҗат эшлеклеләре җәмгыятьнең рухи үсешенә бәяләп бетергесез өлеш кертәләр, дип ассызыклады Мэр.

Фото: Казан шәһәре KZN.RU

(Казан шәһәре KZN.RU, 25 нче март). Казан Мэры Илсур Метшин мәдәният хезмәткәрләрен һөнәри бәйрәмнәре белән котлады.

«Хөрмәтле мәдәният хезмәткәрләре!

Сезне чын күңелдән мәдәният хезмәткәре көне белән котлыйм!

Бу – матурлыкны бәяли белүчеләр, тормышыбызны яктырак һәм мәрхәмәтлерәк итүчеләр, җәмгыять үсешенә бәяләп бетергесез өлеш кертүчеләр бәйрәме.

Күпкырлы һәм күпмилләтле мәдәният – меңьеллык Казанның төп байлыгы, аны кабатланмас итүче һәм шәһәребезне кызыклы туристик үзәккә әйләндерүче әйбер. Нәкъ менә сез безне мәңгелек әхлакый кыйммәтләргә җәлеп итәсез, китаплар дөньясын ачасыз һәм уникаль музей экспонатларында тарихны укырга өйрәтәсез, сәнгать мәктәпләрендә һәм клубларда талантларны ачарга ярдәм итәсез һәм тамашачыларның йөрәкләрен яулыйсыз, ә сезнең онытылмас чыгышларыгыз Казанда гына түгел, ә бөтен ил буенча һәм аннан читтә уза торган меңләгән чараларны даими бизәп тора.

Татарстан Республикасында Милли мәдәниятләр һәм традицияләр елында сезгә махсус миссия йөкләнде – Казанның тарихи һәм мәдәни мирасының кабатланмаслыгын, республикабыз һәм аның башкаласы халыкларының милли традицияләренең уникаль колоритын саклау, арттыру һәм ачу.

Сезгә һәм якыннарыгызга бәхет, сәламәтлек, бетмәс-төкәнмәс илһам һәм яңа иҗади идеяләр, уңышлар, иминлек телим! Сез кешеләргә биргән игелек, матурлык һәм рухилык көн саен үзегезнең тормышыгызны бизәсен!» – диелә котлауда.

Шулай ук укыгыз

Барлык яңалыклар