Илсур Метшин православие динендәгеләрне Казан Изге Ана иконасын данлау көне белән котлады

Бәйрәмнең зур көче киләчәктә дә Казанда конфессиональара татулыкның ныклы нигезе булачак, дип саный Мэр.

Фото: Казан шәһәре KZN.RU

(Казан шәһәре KZN.RU, 4-нче ноябрь). Татарстан башкаласы Мэры Илсур Метшин православие динендәгеләрне Казан Изге Ана иконасын данлау көне белән котлады.

«Хөрмәтле казанлылар! Православие христианнарын чын күңелдән Казан Изге Ана иконасын данлау көне белән котлыйм!

4-нче ноябрь, Халыклар бердәмлеге көнендә, Казан өчен могҗиза тудыручы иконага ия булу урыны буларак зур әһәмияткә ия әлеге үзенчәлекле бәйрәм дә билгеләп үтелә.

1612 елда Минин һәм Пожарский җитәкчелегендәге халык ополчениесе сугышчылары яклаучысы булган Изге Богородица образы, милли һәм дини карашларга карамастан, илебез елъязмасына мәңгегә халык бердәмлеге символы буларак кереп калды.

Агымдагы ел Татарстан башкаласы өчен мөһим вакыйга белән истә калды: күпсанлы хаҗиларны җәлеп итүче Казан Изге Ана иконасы соборының күптән көтелгән ачылуы һәм яңадан торгызылган соборны изгеләндерү. Изге урыннарыбызны, тарихи гаделлекне торгызып, без үткәннәргә хөрмәт күрсәтеп кенә калмыйча, киләчәккә өмет баглыйбыз.

Ышанам ки, төрле милләт һәм конфессия вәкилләре бер-берсенә якын яшәгән Татарстан башкаласында бу якты көн һәрвакыт үзара аңлашу һәм бердәмлек атмосферасы белән сугарылачак.

Чын күңелдән сезгә нык сәламәтлек, тынычлык һәм барлык изге эшләрегездә уңышлар телим! Гаиләләрегездә һәрвакыт мәхәббәт һәм үзара аңлашу хөкем сөрсен!» – диелә котлауда.

Шулай ук укыгыз

Барлык яңалыклар