Илсур Метшин Казан укучыларын информатика буенча халыкара олимпиадада җиңүләре белән котлады

Лобачевский исемендәге лицей һәм 2 нче лицей-интернат укучылары Венгриядә алтын медальләр алды

Фото: РФ Мәгариф министрлыгының матбугат хезмәте

(Казан шәһәре KZN.RU, 4 нче сентябрь, Камилә Вилданова). Казан Мэры Илсур Метшин Казаннан ике укучыны – Н.И.Лобачевский исемендәге лицейдан Валерий Родионовны һәм 2 нче лицей-интернаттан Гыймран Абдуллинны – XXV Халыкара информатика буенча олимпиадада җиңү белән котлады. Престижлы интеллектуаль ярышлар Венгриядә узды, ТР башкаласыннан килгән егетләр анда Россия җыелма командасы составында катнаштылар.

«Казан укучылары искиткеч нәтиҗә күрсәттеләр. Мин чын күңелдән балаларны да, аларны җиңүгә әзерләгән остазларны да, ата-аналарны да котларга телим. Егетләр кайтуга, якын арада, без моны шәхсән эшләячәкбез дип уйлыйм», – диде Мэр бүген эшлекле дүшәмбедә.

XXV Халыкара информатика олимпиадасы Венгриядә 28 нче августтан 4 нче сентябрьгә кадәр узды, анда дөньяның 87 иле вәкилләре катнашты. Россия җыелма командасы барлыгы дүрт алтын медаль яулады, җиңүчеләр арасында Мәскәүдән ике мәктәп укучысы да бар.

Фоторепортаж

Эшлекле дүшәмбе, 04.09.2023

Шулай ук укыгыз

Барлык яңалыклар