Илсур Метшин 175 номерлы гимназиядә зыян күрүчеләргә ярдәм йөзеннән акча күчерде

Элегрәк иганәләрне ТР Президенты Рөстәм Миңнеханов һәм «Яңарыш» фонды ясаган иде.

Фото: Казан шәһәре KZN.RU

(Казан шәһәре KZN.RU, 12-нче май). Казан Мэры Илсур Метшин 175-нче номерлы Казан гимназиясендә атыш нәтиҗәсендә зыян күрүчеләргә ярдәм йөзенән акча күчерде. Җыю Россия Кызыл хачы тарафыннан Саклык банкы белән берлектә оештырылган.

«Без үз өстебезгә Татарстан Республикасы Хөкүмәте белән бергәләп фаҗига кагылган гаиләләрнең ихтыяҗларын билгеләү бурычын алабыз һәм аларга ярдәм итәргә тырышачакбыз. Һәр очрак индивидуаль рәвештә каралачак. Акча тоту турында хисап ай саен Россия Кызыл Хач сайтында урнаштырылачак», – дип белдерде иҗтимагый оешма рәисе Павел Савчук, һәлак булучыларның һәм зыян күрүчеләрнең якыннарының кайгысын уртаклашып.

Зыян күрүчеләр өчен акчаларны «Саклык банкы.Онлайн» кушымтасы, банкоматлар, терминаллар һәм банк офислары яки Россия Кызыл Хач redcross.ru сайты аша күчереп була. Күчергән очракта комиссия алынмый.

Моңа кадәр ТР Президенты Рөстәм Миңнеханов һәм ТР Дәүләт Киңәшчесе, Фондның Попечительләр советы рәисе Минтимер Шәймиев инициативасы буенча ТР Тарихи һәм мәдәни һәйкәлләрне яңадан торгызу Республика фонды иганә иткән иде.

Исегезгә төшерәбез, Татарстан Республикасы Хөкүмәте карары белән һәлак булганнарның гаиләләренә 1 млн сум күләмендә компенсация түләнәчәк.

Шулай ук укыгыз

Барлык яңалыклар