Илсур Метшин Казан ишегалларын яктырту турында: «Бу эстетика һәм матурлык мәсьәләсе генә түгел, халыкның иминлеге дә»

Илсур Метшин Казан ишегалларын яктырту турында: «Бу эстетика һәм матурлык мәсьәләсе генә түгел, халыкның иминлеге дә»

<p> </p> <div class="detail-picture"> <img src="https://kzn.ru/upload/iblock/60d/60dd084097f0449d82f6fa1b0befd84d.JPG"> <p class="detail-picture__caption"> Фото: Казан шәһәре KZN.RU </p> </div> <p> (Казан шәһәре KZN.RU, 6 нчы март, Диана Жиленкова). 2022 елда Казанда «Безнең ишегалды» республика программасы буенча 266 күп фатирлы йорт ишегалдында яктырту системасы яңартылды – 2247 багана һәм 2969 яктырткыч урнаштырылды. 118 ишегалдында элек яктырту бөтенләй юк булмаган, 75 ишегалдында 411 авария хәлендәге багана сүтелгән. Бу хакта Башкарма комитетта узган эшлекле дүшәмбе киңәшмәсендә «Казэнерго» АҖ генераль директоры Рөстәм Габделхаков хәбәр итте. </p> <p> «Безнең ишегалды» – ТР Рәисенең аналоглары булмаган бик җитди программасы, – дип шәрехләде Казан Мэры Илсур Метшин. – 118 ишегалдында беренче тапкыр нормаль яктырту барлыкка килде. Бу эстетика һәм матурлык кына түгел, ә халык иминлеге дә. Узган ел гына да поселокларда 53 км электр челтәре сузылган, 2023 елга да барлык программалар расланган. Без алардан баш тартмыйбыз».  </p> <h3> Быел «Безнең ишегалды» программасы буенча ишегалларында 2,3 мең багана һәм 3 мең яктырткыч урнаштырылачак </h3> <p> Р.Габделхаков сөйләгәнчә, «Казэнерго» АҖ ТР башкаласының тышкы яктырту системасын эксплуатацияли, барлыгы 111 мең 622 яктырткыч һәм аларны тукландыручы 3151 км челтәр. Шуларның 30% ы – кабель, 67% ы – үзйөрешле изоляцияләнгән чыбык, 3% ялан чыбык белән салынган. 49 мең 273 яктырткыч яки 44% – бу заманча светодиод яктырткычлар.  </p> <p>  <img width="870" src="https://kzn.ru/upload/iblock/220/22083c1ae767b5a5588a658ecdf2ae7b.jpg" height="489"> </p> <p> Тышкы яктырту белән идарә итү системасы автоматлаштырылган, шуның аркасында электр энергиясе экономияләнә генә түгел, урамнарда, паркларда һәм скверларда барлык линияләрнең торышы да оператив контрольдә тотыла.  </p> <p> 2022 елда эшләрне башкаруга 185 млн сум каралган, дип өстәде предприятиенең генераль директоры. «Безнең ишегалды» программасын финанслаудан тыш, Идел буе районының 6 ишегалдында тагын 18 млн сумлык эшләр башкарылган. 2023 елда 274 ишегалдында 2,3 мең багана һәм 198 млн сумлык 3 мең яктырткыч урнаштырылачак.  </p> <h3> Быел 39 поселокта 1,4 мең яктырткыч барлыкка киләчәк </h3> <p> 2022 елда тышкы яктырту челтәрләре 6 паркта һәм скверда салынган, бу максатларга 77 млн сум каралган. «Казанның юл-урам челтәрен ремонтлау» программасы буенча тагын 60 млн сумга 526 багана, 924 яктырткыч, 23 км озынлыктагы һава линияләре һәм 3 км озынлыктагы кабель линияләре урнаштырылган.  </p> <p> Р.Габделхаков туристик маршрутларга аерым игътибар бирде. Әйтик, Бауман урамындагы участокта, Астрономия урамыннан Чернышевский урамына кадәр, композит материалдан ясалган ватылган баганаларны чуен корылмаларга алыштырганнар.  </p> <p> «Без Каюм Насыйри урамындагы яктырту баганаларын ремонтлау буенча проблемалы мәсьәләне карадык. Баганаларның силуминнан ясалган барлык цоколь өлешләре ватык. Аларны алыштыру өчен 6 млн сум күләмендә финанслау кирәк», - дип билгеләп үтте «Казэнерго» АҖ генераль директоры.  </p> <p>  <img width="870" src="https://kzn.ru/upload/iblock/cf7/cf7b82cadedafa3c082fb4db7dc756e7.jpg" height="489"> </p> <p> ТР торак пунктларында урамнарны яктырту программасы буенча Казан поселокларында 53 км үзйөрешле изоляцияләнгән чыбыклы челтәр һәм 1467 яктырткыч монтажланган. 2022 елда эшләр 33 поселокка кагылган. Бу максатларга 43 млн сумнан артык акча бүлеп бирелгән.  </p> <p> Быел 39 поселокта 1483 яктырткыч урнаштырылачак. «Казан поселокларын яктырту мәсьәләсен тулысынча хәл итү өчен 155 млн сум кирәк», - диде Р.Габделхаков.  </p> <h3> 29 урамда яктырту баганаларын реклама наклейкаларыннан һәм белдерүләреннән чистарттылар </h3> <p> «Казэнерго» АҖ генераль директоры тышкы яктырту баганаларында белдерүләр ябыштыру проблемасына кагылды. Аның сүзләренә караганда, шәһәрнең 13 мең 240 багана булган 118 урамында реклама белдерүләрен даими ябыштыралар.  </p> <p> 4 бригада көн саен Казанның 40 үзәк урамында һәм кунак маршрутларында яктырту баганаларын чистарта. Вишневский, Ершов, Мәскәү, Пушкин, Сәлимҗанов, Татарстан, Тукай һәм башка урамнарда 2,1 меңнән артык терәк урнаштырылган. Эш аларның 29 ында башкарылган.  </p> <p> «Административ-техник инспекция идарәсе белән берлектә өстәмә карар – белдерүләрдә күрсәтелгән номерлар буенча автодозвон кертү турында карар кабул ителә. Без бу эшне сынау режимында башладык. Бездә 10 мең номерга исәпләнгән яңа программа бар. Ике атна йомгаклары буенча моны ничек эшләргә кирәклеген төгәл өйрәнеп бетереп, сезгә җиткерербез», - дип өстәде Р.Габделхаков. </p>

2023-03-06T14:00:02+0300