Илсур Метшин: «Безнең теләкләр һәм фикерләр чираттагы тапкыр ишетелде дип өметләнәбез»

Шәһәр мэры Казан шәһәре Думасының хисап сессиясенә йомгак ясады

Казанда гамәлгә ашырыла торган проектларның күләме һәм мәйданы елдан-ел арта бара. 2024 елга нәтиҗәләр шәһәр Думасының хисап сессиясендә ясалды, моның турында эшлекле дүшәмбедә ТР башкаласы мэры Илсур Метшин искә төшерде.

«Узган атнада без хисап елын Башкарма комитеты җитәкчесе, Шәһәр мэриясе, Контроль-хисап палатасы докладларын карау белән тәмамладык һәм 2024 елга нәтиҗәләр ясадык. Без үз эшебезне һәр юнәлештә мөмкин кадәр тырышып башкарабыз. Һәрвакытта да башкарылган эшләр күләме казанлылар көткәненнән азрак. Әмма шул ук вакытта бу бик күп кешеләрнең – Казан командасының уртак хезмәте», – диде шәһәр башлыгы.

Мэр билгеләп үткәнчә, шәһәрдә федераль һәм милли проектларга, шулай ук республика программаларына ярдәм итү һәм ТР рәисе Рөстәм Миңнехановның шәһәргә игътибары хисабына күп нәрсәгә ирешеп була. «Без һәрвакыт үз эшчәнлегебезне читтән күзәтергә тырышабыз һәм һәрвакыт ирешелгән казанышлар турында гына сөйләп тормыйбыз. Шулай да алар күләме буенча да, мәйданы буенча да, проектлар буенча да елдан-ел арта бара», — дип ассызыклады Илсур Метшин. «Без проблемалы мәсьәләләрне күтәрәбез, аларны хәл итүне үзебез дә көтәбез, һәм бездән безнең халык көтә. Һәм чираттагы тапкыр без бу хакта фикер алыштык. Рөстәм Нургалиевичка рәхмәт, мәсьәләләр зур, катлаулы, әмма республика җитәкчелеге, рәис, милли проектлар, ә иң мөһиме казанлыларыбызның хезмәт сөючәнлеге ярдәмендә алар барысы да хәл ителерлек», — дип дәвам итте Казан башлыгы.

«Безнең теләкләр һәм фикерләр чираттагы тапкыр ишетелде дип өметләнәбез, һәм әлеге җитди хезмәттәшлек илһамландыра һәм алга таба хәрәкәт итәргә энергия бирә», – дип йомгаклады мэр.

Фоторепортаж

Эшлекле дүшәмбе, 24.02.2025

Шулай ук укыгыз

Барлык яңалыклар