Казан мэры: «Ярдәм чаралары икенчел чимал эшкәртүне үстерергә, эшкәртелә торган калдыклар өлешен арттырырга һәм аларның күләмнәрен полигоннарда киметергә ярдәм итәчәк»

Шәһәр бюджетыннан эшмәкәрләр 2 млн сумга кадәр субсидияләр алырга мөмкин

Бүгеннән башлап икенчел чимал эшкәртү белән шөгыльләнүче Казан эшмәкәрләре шәһәр бюджетыннан субсидияләр алуга гариза бирә ала. Аларга сатып алынган товарлар бәясенең яртысын кайтарачаклар, әмма 2 млн сумнан артык түгел. Эшлекле дүшәмбедә ярдәмнең старт дәрәҗәсе турында Казан мэры Илсур Метшин сөйләде һәм әлеге өлкәдә эш башлаган бизнес-бергәлек вәкилләре « иң зур ярдәмне, минем шәхси игътибарыма кадәр» алачак, дип ышандырды.

«Икенче чималны җыю һәм эшкәртү белән шөгыльләнүче эшкуарлар өчен субсидияләр алуга гаризалар кабул итәргә керештек. Без бу ярдәм чарасы шәһәрдә икенчел чимал эшкәртүне үстерергә, акрынлап эшкәртелә торган калдыклар өлешен арттырырга һәм иң мөһиме – безнең полигоннарда аларның күләмен киметергә ярдәм итәчәк, дип саныйбыз», – диде шәһәр башлыгы.

Эшмәкәрләр шулай ук калдыклар җыю урыннарын төзүгә яки төзекләндерүгә киткән чыгымнарның 50% ын кайтара алачак. Бер компаниягә 1 млн сумнан да артык бирелмәячәк. Әлеге ярдәм чаралары Татарстан башкаласының тотрыклы үсеш стратегиясен эшләү барышында эшләнде. Субсидияләр бирү турындагы карарны Казан мэры эшмәкәрләр һәм экохәрәкәт вәкилләре белән очрашуда белдерде.

Оешмалар субсидия алуга бер генә гариза бирә ала. Ярдәм чаралары кече һәм урта эшмәкәрлек субъектларының бердәм реестрына кертелгән оешмаларга күрсәтеләчәк, шулай ук Казанда теркәлгән һәм эшли торганнарга.

Субсидия алу өчен гариза тутырырга һәм документлар әзерләргә кирәк. Аларның исемлеге сөргендә басылган. Субсидия бирү турындагы карарны махсус төзелгән комиссия кабул итәчәк, аңа башкарма комитет җитәкчесе урынбасары Илдар Шакиров, башкарма комитет аппараты җитәкчесе Булат Алеев, ТКХ комитеты рәисе Василий Лысачкин һәм башкалар кергән.

Гаризаларны икътисадый үсеш комитеты хезмәткәрләре 29 ноябрьгә кадәр Кремль урамы, 3 адресы буенча кабул итә (544 каб. Тулырак мәгълүматны +7(843)299-18-83, +7(843)299-17-22 телефоннары буенча ачыкларга була.

Фоторепортаж

Эшлекле дүшәмбе, 11.11.2024

Шулай ук укыгыз

Барлык яңалыклар