«Хәрәкәттә – бәрәкәт» проекты очрашуында танышу уеннары уздырылачак

Кичәне «Яз» халык бию ансамбле ачып җибәрәчәк

Бүген Кабан күле яры буенда «Хәрәкәттә – бәрәкәт» проектының чираттагы шөгыле уза. Кичәне Рафаэль Мустяков җитәкчелегендә «Яз» халык бию ансамбле ачып җибәрәчәк.

Шулай ук программада– «Танышу», «Кара каршы» һәм «Чума үрдәк, чума каз» танышу өчен яшьләр уеннары, дип хәбәр иттеләр Парклар һәм скверлар дирекциясендә.

Кичәнең алып баручылары: Алсу Мәгъсүмҗанова һәм Булат Гатауллин. Музыка өчен Ильяс Фәрхуллин, Айдар Абдрахимов һәм Айдар Ниязов җаваплы. Хореограф буларак, Алия Мөхәммәтгалиева һәм Рафаэль Мустяков чыгыш ясаячак

Шәһәр халкын 18:00 сәгатьтә, Шиһабетдин Мәрҗани урамы ягыннан Г.Камал исемендәге театр янындагы төшү юлы белән янәшә көтәчәкләр. Исегезгә төшерәбез, «Хәрәкәттә – бәрәкәт» проекты дәресләре җәй буе, атнаның һәр пәнҗешәмбесендә булачак.

Шулай ук укыгыз

Барлык яңалыклар