«Восток» лагеренда Казанның I Ачык «Планерка» әйдаманнары слеты узачак

Катнашучыларны лекцияләр һәм уеннар, тренинглар һәм мастер-класслар көтә

Фото: Марат Мөгыйнов

(Казан шәһәре KZN.RU, 21 нче ноябрь). «Восток» балалар сәламәтләндерү лагере базасында 24-26 нчы ноябрьдә Казанның I Ачык «Планерка» әйдаманнары слеты узачак. Бер мәйданчыкта 150 ләп кеше җыелачак: педагогик отрядлар, балалар лагерьлары, Татарстанның профильле сменалары әйдаманнары һәм өлкән әйдаманнар.

Катнашучыларны лекцияләр һәм уеннар, тренинглар һәм мастер-класслар, күренекле кешеләр белән очрашулар һәм хезмәттәшләре белән тәҗрибә уртаклашу көтә. Экспертлар сыйфатында Мәскәү ял һәм туризм оештыру агентлыгы җитәкчеләре белән эшне оештыру идарәсе җитәкчесе Игорь Зинкевич, психология укытучысы, СПбГУның югары менеджмент мәктәбендә балалар һәм яшүсмерләр өчен әйдәп баручы тренер Анна Иванова һәм башкалар чыгыш ясаячак.

Белем бирү программасыннан тыш, катнашучылар өчен конкурс сынаулары да әзерләнгән. Аларга үзләренең белемнәрен һәм осталыкларын күрсәтергә туры киләчәк.

Слет педагогик отрядлар эшчәнлегенең сыйфатын күтәрүгә, балалар лагерьлары һәм профильле сменалар базасында балалар һәм яшьләр белән әйдаманнарның иң нәтиҗәле эш практикаларын эзләүгә, сайлап алуга һәм таратуга юнәлдерелгән.

Чара Яшьләр эшләре буенча федераль агентлык, ТР Яшьләр эшләре министрлыгы, Казанның балалар һәм яшьләр эшләре комитеты ярдәме белән үткәрелә.

Шулай ук укыгыз

Барлык яңалыклар