И.Метшин: "Хатын-кыз - җылылык һәм гармония, гаилә учагы һәм иминлек символы"

Казан Мэры Татарстан башкаласында яшәүче хатын-кызларны Халыкара хатын-кызлар көне белән котлады.

(Казан шәһәр KZN.RU, 8-нче март). Казан Мэры Илсур Метшин Татарстан башкаласында яшәүче хатын-кызларны 8 март Халыкара хатын-кызлар көне белән котлады.

"Хөрмәтле хатын-кызлар!

Язның ягымлы һәм якты бәйрәме - Халыкара хатын-кызлар көне белән ихлас котлауларымны кабул итеп алыгыз!

Хатын-кыз - җылылык һәм гармония, гаилә учагы һәм иминлек символы. Сезнең зирәклегегез һәм сөйкемлелегегез, ярдәм итәргә омтылуыгыз һәм рухи юмартлыгыгыз бәхетле гаилә һәм җәмгыятебезнең чәчәк атуы нигезе булып тора.

Гаилә турында кайгыртуыгыз белән беррәттән сәләтегез, хезмәт сөю һәм максатчан булуыгыз ярдәмендә сез һөнәри эшчәнлегегездә дә югары үрләр яулыйсыз.

Чын күңелдән сезгә сәламәтлек, бәхет, елмаюлар өчен чиксез сәбәпләр, җан тынычлыгы һәм иминлек телим! Өегез язгы кояш җылысы белән генә түгел, якыннарыгызның һәм туганнарыгызның җылылыгы белән дә тулып торсын!", - диелә мөрәҗәгатьтә.

Шулай ук укыгыз

Барлык яңалыклар