И.Метшин: «Үз хезмәтегез белән сез Казанның уникаль йөзен булдырасыз»

ТР башкаласы Мэры архитекторларны һөнәри бәйрәмнәре белән котлады.

Фото: Казан шәһәре KZN.RU

(Казан шәһәре KZN.RU, 3 нче октябрь). Казан Мэры Илсур Метшин шәһәр архитекторларын һөнәри бәйрәмнәре белән котлады.

«Хөрмәтле Казан архитекторлары!

Сезне чын күңелдән һөнәри бәйрәмегез – Бөтендөнья архитектура көне белән котлыйм!

Архитекторлар, дизайнерлар, проектчылар – сезне хаклы рәвештә иҗатчылар дип атарга мөмкин. Архитектура үрнәкләре дөнья мәдәнияте хәзинәсенә кергән, ә авторларның исемнәре тарихка алтын хәрефләр белән язылган.

Нәкъ менә сез үз хезмәтегез белән шәһәребезнең уникаль йөзен булдырасыз. Сез меңьеллык Казанның милли традицияләрен саклаган хәлдә заманча проектларны тормышка ашырасыз, шәһәрнең үзенчәлеген яңа архитектура чишелешләре белән баетасыз. Оригиналь торак комплекслар, комфортлы учреждениеләр һәм иҗтимагый киңлекләр җәлеп итү ноктасына әверелә, шәһәр халкы һәм кунаклары өчен уңайлы шәһәр мохитен формалаштыруга, Татарстан башкаласының инвестицион һәм туристик җәлеп итүчәнлеген арттыруга ярдәм итә.

Бетмәс-төкәнмәс энергия, креативлык, талант, яраткан эшкә тугрылык һәм югары фидакарьлек – сезнең эшчәнлекнең төп принциплары. Сезнең катнашта шәһәребезнең горурлыгы һәм визит карточкасына әверелгән мөһим объектлар проектланган һәм төзелгән. Киләчәктә Казаныбызның нинди булуы күпчелек очракта сездән тора.

Барчагызга да чын күңелдән ныклы сәламәтлек, бәхет һәм яңа иҗади уңышлар насыйп булсын! Бөтен уй-хыялларыгыз һәм иң кыю идеяләрегез тормышка ашсын. Сезгә һәм якыннарыгызга тынычлык, бәрәкәт һәм иминлек телим!»- диелә котлауда.

Шулай ук укыгыз

Барлык яңалыклар