И.Метшин: «Йолдызлык» – балаларыбызның талантларын ача торган әһәмиятле проект

И.Метшин: «Йолдызлык» – балаларыбызның талантларын ача торган әһәмиятле проект

<p> (Казан шәһәре KZN.RU, 25-нче март, Алинә Бережная). 28-нче мартта Идел буе спорт һәм туризм академиясенең концертлар залында Казанның «Йолдызлык-2019» яшьләр эстрада сәнгате фестиваленең егерме беренче зур гала-концерты узачак. Бу хакта бүген эшлекле дүшәмбе вакытында Балалар һәм яшьләр эшләре комитеты рәисе Айрат Фәизов сөйләде. </p> <p> Гала-концертта яшь башкаручылар катнашачак, аларны – катнашучы дипломнары, ә лауреат һәм җиңүчеләрне фестиваль дипломнары һәм акчалата призлар белән бүләкләячәкләр. Конкурста барлыгы 8 меңнән артык бала катнашты. </p> <p> Спикер искәрткәнчә, Казанда фестиваль ике ай дәвамында узган – башта һәр районда, аннары конкурсантлар тугыз номинация буенча шәһәр күләмендә көч сынашкан: вокал-соло, вокаль ансамбльләр, вокаль инструменталь ансамбле, хореография, конферанс, иң яхшы җыр музыкасы, иң яхшы җыр тексты, балалар өчен иң яхшы җыр, видеоклип. </p> <p> Балаларны Татарстанның танылган мәдәният эшлеклеләре бәяләде. </p> <p> Казан Мэры Илсур Метшин билгеләп үткәнчә, «Йолдызлык» – балалар талантларын ачарга мөмкинлек бирә торган әһәмиятле проектларның берсе. «Бу – бик якты, матур, әһәмиятле проект, биредә безнең йолдызчыкларыбыз кабына. Балалар гомумроссия дәрәҗәсенә генә чыгып калмый, чыннан да йолдызга әйләнәләр – моңа мисаллар бик күп. Иң мөһиме – балалар үз көчләрен, сәләтләрен шушындый зур мәйданчыкларда сынап карый ала. Без аларга һичшиксез ярдәм итәчәкбез», – дип йомгаклады И.Метшин. </p>

2019-03-25T09:53:44+0300