И.Метшин: “Бергәләшеп яраткан Казаныбызны тагын да матуррак һәм уңайлырак итә алдык”

Казан Мэры башкалада яшәүчеләрне Татарстан Республикасы көне һәм Шәһәр көне белән тәбрикләде.

(Казан шәһәре KZN.RU, 30-нчы август). Казан Мэры Илсур Метшин башкалада яшәүчеләрне Татарстан Республикасы көне һәм Шәһәр көне белән котлады.

“Хөрмәтле казанлылар!

Сезне Татарстан Республикасы көне һәм Казан шәһәре көне белән чын күңлемнән котлыйм!

Хезмәтегез һәм шәһәребезгә булган мәхәббәтегез өчен сезгә ихлас рәхмәт сүзләрен ирештерергә рөхсәт итегез.

Соңгы елларда республикабыз башкаласы җәмгыятьнең барлык өлкәләрендә дә югары дәрәҗәләргә иреште, төрле милләт һәм дин вәкилләре арасында тынычлык, бердәмлек һәм дуслык үрнәгенә әверелде.

Бүген Казан яшәү өчен тагын да уңайлы һәм матур шәһәр, төрле илләр вәкилләре өчен тарту үзәге булып килә. Төрле масштаблы чаралар уздырганга шундый үзгәрешләр күзәтәбез. Быел шәһәребез FIFA футбол буенча дөнья чемпионаты кебек искиткеч спорт чарасын уңышлы гына кабул итте.

Юлларны, йортларны һәм ишегалларын башкалабызның йөзен яңартуны дәвам итәбез. Мәктәпләр төзибез, мәдәният йортларын, сырхауханәләрне һәм социаль инфраструктураның башка объектларын тәртипкә китерәбез. Бергәләшеп яраткан Казаныбызны тагын да матуррак һәм уңайлырак итә алдык. Яулаган җиңүләребез – һәр шәһәрленең хезмәте нәтиҗәсе.

Хөрмәтле казанлылар! Сезгә бәхет һәм игелек телим. Барлык ниятләрегез тормышка ашсын!” – диелә котлауда.

Шулай ук укыгыз

Барлык яңалыклар