И.Метшин бишьеллыкка программа турында: «Без республика җитәкчелеге, шәхсән Президент белән килештек һәм ярдәм күрсәттек»

И.Метшин бишьеллыкка программа турында: «Без республика җитәкчелеге, шәхсән Президент белән килештек һәм ярдәм күрсәттек»

<p> <img src="https://www.kzn.ru/upload/iblock/d30/MMB_1474-870.jpg"><br> </p> <p> <span style="color: #3d3d3d;">(Казан шәһәре KZN.RU, 13-нче июль, Алена Мирошниченко). Бүгенге көндә шәһәр алдындагы глобаль бурычлар «2020-2025 антивирус стратегиясе»нә кертелде, дип билгеләп үтте бүген Казан Мэры Илсур Метшин. </span><a href="https://www.kzn.ru/meriya/press-tsentr/novosti/mer-kazani-ilsur-metshin-predstavil-na-partiynoy-konferentsii-antivirusnuyu-strategiyu-2020-2025/" target="_blank"><span style="color: #0d5baa;">Программаны</span></a><span style="color: #3d3d3d;"> Казанда узган атнада «Бердәм Россия» Бөтенроссия партиясе җирле бүлегенең XXIII конференциясендә тәкъдим иттеләр. Төп дүрт юнәлеш билгеләнде: сәламәт җәмгыять, яшел шәһәр, шәһәр халкының керемнәрен күтәрү һәм дөньякүләм белем бирү.</span> </p> <p> <span style="color: #3d3d3d;">«Беренче урынга без нәкъ менә сәламәт җәмгыятьне чыгардык, һәм аны үзебез өчен барлык аспектларда да карыйбыз. Балалар һәм өлкәннәр өчен заманча хастаханәләр, поликлиникалар, стационарлар төзергә кирәк. Бу программа Татарстан Сәламәтлек саклау министрлыгы, республика Хөкүмәте белән берлектә расланды. Без планлаштырылганны тормышка ашыру өчен кулдан килгәннең барысын да, хәтта күбрәген дә эшләячәкбез», - дип билгеләп үтте шәһәр башлыгы.</span> </p> <p> <span style="color: #3d3d3d;">Яңа сәламәтлек саклау учреждениеләре төзелеше белән беррәттән казанлыларның сәламәт яшәү рәвешенә җәлеп итү дәрәҗәсен арттыруга да игътибар биреләчәк. «Без 17-18% күрсәткеченнән башладык, бүген 50% диярлек шәһәр халкы - сәламәт яшәү рәвеше тарафдарлары. Алга таба җәлеп итү алай ук җиңел бирелмәячәк. Эш инфраструктурада гына түгел, яшәү урыны, күрше скверларда, паркларда да шөгыльләнергә мөмкин. Без балаларыбызны, яшьләрне сәламәт яшәү рәвеше белән яшәргә өйрәтергә тиешбез. Бу штанганы да бергә күтәреп булыр дип өметләнәбез», - диде И.Метшин.</span> </p> <p> <span style="color: #3d3d3d;">Ул ассызыклаганча, сәламәт җәмгыять - ул кешеләр арасындагы, гражданнар белән дәүләт арасындагы сәламәт мөнәсәбәт тә. Шуңа күрә хәйриячелек, меценатлык, якыннарыңны кайгырту идеясе элеккечә иң мөһим эшчәнлек юнәлешләренең берсе булып кала, дип билгеләп үтте Татарстан башкаласы Мэры. Шулай итеп, «Мәрхәмәтле Казан», «Яхшы дулкын», башка хәйрия проектлары эшләвен дәвам итәчәк. «Аларның барысы да яхшы традициягә әверелер һәм үсеш алыр дип өметләнәбез», - диде И.Метшин.</span> </p> <p> <span style="color: #3d3d3d;">Икътисадый өлкәдә дә җитди бурычлар куелды. Шәһәр башлыгы ассызыклаганча, эре сәнәгать предприятиеләре, компанияләр, кече һәм урта эшмәкәрлекнең эше дәвам итүе, хәзерге авыр чорда да үсүе бик мөһим. «Конференция алдыннан без республика җитәкчелеге, шәхсән Президент белән килештек һәм бу өлкәдә ярдәм күрсәттек», - дип билгеләде Казан Мэры.</span> </p> <p> <span style="color: #3d3d3d;">Экологиягә багышланган «Яшел шәһәр» аерым бүлек булып тора. «Без үз алдыбызга 100 мең яңа эре үлчәмле агач утырту бурычын куябыз. Сүз башкаланың яшел каркасын булдыру турында бара. Бу агачларны утырту гына түгел - экологлар, җәмәгать эшлеклеләре белән бергәләп эшләү дә. Без әлеге мәсьәләне шәһәрнең генераль планына да керттек. Якын бишьеллыкка үзебезгә бу юнәлештә дә җитди эшләү һәм алга китү бурычын куябыз», - диде И.Метшин.</span> </p> <p> <span style="color: #3d3d3d;">Мәгариф тә мөһим юнәлеш булып кала бирә. Шәһәр башлыгы билгеләп үткәнчә, Казан гадәттәгечә белем бирү үзәге булды һәм булып кала, әмма хәзер яңа бурычлар барлыкка килде. «Без урта белем бирү учреждениеләренең Татарстан Республикасы башкаласының югары дәрәҗәсенә туры килүен һәм, иң мөһиме, яңа чакыруларга туры килүен теләр идек. Балаларыбызның яхшы белем алуы һәм белемнәре бүгенге заманага туры килсен өчен көндәшлеккә сәләтле булулары мөһим», - дип белдерде шәһәр башлыгы.</span> </p> <span style="color: #3d3d3d;">Югары белемгә дә шул ук кагыла. «Казан Идел буенда гына түгел, Россия Федерациясендә дә төп мәгариф үзәкләренең берсе дә булды, булып тора һәм булачак. Күрше төбәкләрдәге иң яхшы яшьләр, иң яхшы абитуриентлар, студентлар безнең югары уку йортлары сафын тулыландырсын өчен барысын да эшлибез. Соңыннан алар шәһәрнең актив халкы сыйфатында калсын, гаиләләр корсыннар, балалар тудырсыннар, бизнес оештырсыннар, эш урыннары булдырсыннар иде. Бу - һичшиксез, Казанның киләчәге. Шуңа күрә белем бирү белән бәйле булган бөтен әйбер - киләчәккә куелган зур өстенлекләребезнең берсе», - дип йомгаклады Илсур Метшин.</span>

2020-07-13T14:04:11+0300