И.Метшин: Тукталышларда рекламаның яңа форматы – эшмәкәрлек өчен дә, шәһәр һәм шәһәрлеләр өчен дә отышлы чишелеш

Казанның 200 муниципаль тукталышында яңа реклама конструкцияләре барлыкка киләчәк.

Фото: Денис Гордийко

(Казан шәһәре KZN.RU, 31-нче май, Алинә Бережная). Казанда Казанның 200 муниципаль тукталышында яңа реклама конструкцияләре барлыкка киләчәк. Бу атнада ук беренче торгларны игълан итү планлаштырыла, алар август уртасына кадәр дәвам итәчәк. Гомумән алганда, һәркайсында 20-шәр урынга 10 лот формалаштырылган Торгларда җиңүчеләр белән килешүләр биш елга төзеләчәк. Казан Мэры Илсур Метшин киләчәктә тышкы рекламаның яңа форматын тукталышларны реконструкцияләгәндә дә кулланырга чакырды.

Тукталышларда рекламаның яңа форматы – бизнес өчен дә, шәһәр һәм шәһәр халкы өчен дә отышлы чишелеш. Әлегә сүз яңа тукталышлар турында бара, аннары әлеге форматны тукталышларны реконструкцияләгәндә һәм капиталь ремонтлаганда кулланырга мөмкин, – дип билгеләде шәһәр башлыгы.

Тышкы реклама һәм мәгълүмат идарәсе башлыгы Әскәр Баһаветдинов беренче сатуларның 6-нчы июльгә планлаштырылуы турында сөйләде. Реклама конструкцияләренең яңа төренең өстенлеге турында сөйләгәндә, Ә. Баһаветдинов алар Казанда гамәлгә ашырыла торган Куркынычсыз сыйфатлы юллар илкүләм проекты кысаларында урнаштырылган муниципаль тукталыш павильоннарында урнаштырылачак, дип аңлатты.

Принципиаль момент шунда ки, җиңүче вазифасына муниципаль тукталыш навесына хезмәт күрсәтү керә. Шул ук вакытта тукталышны сатып алырга һәм урнаштырырга кирәкми, реклама панеле инде әзер муниципаль тукталыш павильонына монтажлана, – дип хәбәр итте А.Баһаветдинов. Аның фикеренчә, әлеге проектны гамәлгә ашыру муниципаль тукталышларны Казанны төзекләндерү кагыйдәләре таләпләренә туры китерергә һәм алга таба реклама фирмалары хисабына сыйфатлы сервис хезмәте күрсәтергә мөмкинлек бирәчәк.

Моннан тыш, digital-технологияләрне реклама өслекләрендә куллану муниципалитетка социаль әһәмияткә ия мәгълүмат урнаштырырга мөмкинлек бирәчәк. Кристалайт заманча технологияләр кулланып сынау проекты Татарстан урамы буенча ике тукталышта тормышка ашырылган инде. Тышкы рекламада мондый технологияләр әле кулланылмаган.