И.Метшин: "Гасырлар дәвамында бу бәйрәм кешеләргә ышаныч һәм өмет яктылыгы бүләк итә"

Казан Мэры православие динендәге татарстанлыларны Раштуа бәйрәме белән котлады.

(Казан шәһәре KZN.RU, 7-нче гыйнвар). Казан Мэры Илсур Метшин православие динендәге татарстанлыларны Раштуа бәйрәме белән котлады.

"Хөрмәтле казанлылар!

Православие динендәге кешеләрне Раштуа бәйрәме белән котлыйм!

Гасырлар дәвамында бу бәйрәм кешеләргә ышаныч һәм өмет яктылыгы бүләк итә, әхлакый идеалларны хуплый, мәрхәмәт, шәфкать һәм игелек белән сугара.

Бүген Казанда төрле дин кешеләре тыныч яши. Бер-береңне хөрмәт итү, түземлелек һәм толерантлык принципларына таянып, без бергә туган шәһәребезнең чәчәк атуы һәм барлык шәһәр халкы өчен тагын да уңайлырак тормыш хакына хезмәт итәбез.

Православие динендәгеләргә һәм Казан халкына чын күңелдән Раштуа бәйрәме, нык сәламәтлек һәм иминлек, тынычлык һәм барлык башлангычларда уңышлар телим! Гаиләләрегездә һәрвакыт шатлык, мәхәббәт һәм татулык булсын!" диелә котлауда.

Шулай ук укыгыз

Барлык яңалыклар