И.Метшин: «Бүгенге көн өчен җаваплылыкны аңлыйбыз һәм Ватаныбызның якты киләчәгенә ышаныч белән карыйбыз»

Казан Мэры шәһәр халкын Россия көне белән котлады.

Фото: Казан шәһәре KZN.RU

(Казан шәһәре KZN.RU, 12 нче июнь). Казан Мэры Илсур Метшин шәһәр халкын Россия көне белән котлады.

«Хөрмәтле казанлылар! Россия көне уңаеннан ихлас котлауларымны кабул итегез!

Менә инде өч дистә ел илебез үзенең төп бәйрәмен – Россиянең демократия һәм закон өстенлеге, тынычлык һәм гражданлык татулыгына нигезләнгән яңа этабы башлануын билгеләп үтә.

Бүген Россия Федерациясе – көчле икътисад һәм зур потенциалга ия сәяси тотрыклы дәүләт. Катлаулы үсеш юлын узгач, Россия ата-бабаларыбызның һәм бай тарихның бәһасез тәҗрибәсенә нигезләнгән үз көчен һәм куәтен исбатлады.

Күп гасырлар дәвамында Россия үз чикләрен нык саклый, барлык халыкара килешүләрне һәм конвенцияләрне үтәп, бөтен дөньяда тынычлык һәм гаделлекне яклый.

Үткәндәге батырлык үрнәкләрен кадерләп саклап, без бүгенге көн өчен җаваплылыкны аңлыйбыз һәм Ватаныбызның якты киләчәгенә ышаныч белән карыйбыз. Хәзерге җәмгыятьтә ирек, бер-береңә хөрмәт һәм татулык принципларына таяну өчен бергәләшеп барысын да эшләячәкбез.

Барлык россиялеләр өчен истәлекле әлеге көндә Сезгә нык сәламәтлек, бәхет, иминлек һәм барлык башлангычларыгызда уңышлар телим! Һәр көнегез Ватан өчен горурлык белән тулып торсын!» – диелә текстта.

Шулай ук укыгыз

Барлык яңалыклар