И.Метшин: «Без Казан паркларындагы тәртипсез сәүдәдән арындык»

Узган җәйге сезонда Казанның Парклар һәм скверлар дирекциясе 14 җәмәгать киңлегендә 9,4 млн сумлык 53 аукцион үткәрде.

(Казан шәһәре KZN.RU, 23-нче сентябрь, Алена Мирошниченко). Узган җәйге сезонда Казанның Парклар һәм скверлар дирекциясе 14 җәмәгать киңлегендә 9,4 млн сумлык 53 аукцион үткәрде. Парклар һәм скверлар дирекциясе җитәкчесе Марат Закиров бүгенге эшлекле дүшәмбе вакытында билгеләп үткәнчә, аукционнар ике җәйге сезонга тормышка ашырылган.

Мондый эш рәвеше эшмәкәрлеккә – үз эшчәнлеген озак вакытка һәм грамоталы планлаштыру өчен, ә дирекциянең үзенә эшкуарлар белән мөнәсәбәтләр урнаштыру, парклар концепциясе нигезендә сәүдә объектларын әзерләү һәм бюджеттан тыш эшчәнлекне планлаштыру өчен мөмкинлек бирде, дип ассызыклады үз докладында спикер. Марат Закиров хәбәр иткәнчә, ноябрьдә стационар булмаган кышкы сәүдә объектлары буенча яңа аукционнар узачак, шул исәптән прокатлар, таулар, кайнар туклану пунктлары урнаштыру буенча да.

«Без тәртипсез сәүдәдән арындык, бүген биредә тәртип бар, җаваплы кешеләр эшли. Әмма без сыгылмалы булырга, кулны пульста тотарга, шәһәрлеләрнең үтенечләренә җавап бирергә, яңа тендерлар уйнатырга һәм шәһәр халкына җитмәгән уңайлыкларны тәэмин итәргә тиеш», – дип ассызыклады Илсур Метшин.

Барлык акчалар да Парклар һәм скверлар дирекциясен тотуга, зур чаралар үткәрүгә, шулай ук инфраструктураны вак-төяк төзекләндерүгә инвестицияләнә.