И.Метшин: «Үзенчәлекле балаларга спорт белән шөгыльләнү өчен махсус җиһазландырылган комплекс кирәк»

Сәламәтлек ягыннан мөмкинлекләре чикләнгән балалар өчен спорт үзәге төзелеше дәүләт-хосусый партнерлык кысаларында алып барылачак.

Фото: Денис Гордийко

(Казан шәһәре KZN.RU, 21-нче июнь, Алинә Бережная). Казанда сәламәтлек ягыннан мөмкинлекләре чикләнгән балалар өчен спорт комплексын проектлау һәм төзү дәүләт-хосусый партнерлык кысаларында алып барылачак. Үзенчәлекле балалар өчен махсус учреждение булдыруны бизнес вәкилләренең хуплавы турында бүген Башкарма комитетта узган эшлекле дүшәмбе вакытында Казан Мэры Илсур Метшин хәбәр итте.

Үзәктә сәламәтлек үзенчәлекләре булган балалар өчен спорт белән шөгыльләнүгә барлык кирәкле шартларны булдыру планлаштырыла. «Сәламәтлек ягыннан проблемалары булган балалар башка балалар белән социальләшергә тиеш дигән фикер яши, без моның белән килешәбез, әмма моның өчен бөтен Казан – урамнар, парклар, скверлар, мәктәпләр бар, әмма үзенчәлекле балалар спорт белән махсус комплекста шөгыльләнергә тиеш», – дип саный шәһәр башлыгы.

Исегезгә төшерәбез, үзенчәлекле балалар өчен спорт үзәген проектлауны башлап җибәрү карарын шәһәр башлыгы узган җомгада төрле авырулары булган балаларның әниләре белән очрашуда яңгыратты. «Төзелгән спорт учреждениеләрендә бер уңайлы мохит булу гына аз, мондый балалар өчен киенү-чишенү бүлмәсеннән башлап махсус җиһазлар кирәк. Бу гади сораулар кебек, әмма без бу хакта белмәдек», – дип билгеләде шәһәр башлыгы.

И.Метшин әлеге юнәлешне җитәкләячәк Казан шәһәре Думасы депутаты Далия Гайнановага – мондый комплекслар булдыру буенча дөнья тәҗрибәсен өйрәнергә, ә район башлыкларына булачак спорт комплексы кайда булачагын билгеләргә кушты.

Фоторепортаж

Эшлекле дүшәмбе, 21.06.2021

Шулай ук укыгыз

Барлык яңалыклар