И.Метшин: «Сезнең якты идеяләрегез һәм аларны гамәлгә ашыру нәтиҗәсендә ел саен күпләгән талантлар ачыла»

Шәһәр Мэры мәдәният хезмәткәрләрен һөнәри бәйрәмнәре белән котлады.

(Казан шәһәре KZN.RU, 25-нче март). Казан Мэры Илсур Метшин мәдәният хезмәткәрләрен һөнәри бәйрәмнәре белән котлады.

«Хөрмәтле мәдәният хезмәткәрләре!

Сезне чын күңелдән һөнәри бәйрәмегез – Мәдәният хезмәткәрләре көне белән котлыйм!

Соңгы елларда Казанның мәдәният өлкәсе актив үсә һәм камилләшә. Шәһәрдә Казан зооботаника бакчасы, балалар сәнгать мәктәпләре һәм музейлары, күп функцияле үзәкләр һәм китапханәләр кебек тармак учреждениеләренең матди-техник базасын яңарту буенча масштаблы эш алып барыла. Әмма иң мөһиме – бу иң югары гуманистик миссияне лаеклы һәм җаваплы башкаручыларның, яшьләргә рухи байлык һәм тарихи истәлекне тапшыручыларның, яңа фикерләү һәм иҗади эзләнүләрнең кыйммәтен арттыручыларның көндәлек хезмәте.

Сезнең эшчәнлегегез традицияләрне саклауга, сәнгатьнең барлык төрләрен үстерүгә, үсеп килүче буынны игелек һәм мәхәббәт идеаллары нигезендә тәрбияләүгә юнәлдерелгән. Сезнең чиксез фантазиягез, якты идеяләрегез һәм аларны эзлекле рәвештә тормышка ашыруыгыз нәтиҗәсендә ел саен күплсанлы талантлар ачыла, кызыклы проектлар тормышка ашырыла.

Сезгә чын күңелдән уңышлар һәм яңа илһам чыганаклары телим! Дөньяга алып килә торган яктылык үзегезнең тормышларыгызны да бизәсен. Сезгә нык сәламәтлек, бәхет, бетмәс-төкәнмәс энергия һәм иминлек телим!» - диелә котлауда.

Шулай ук укыгыз

Барлык яңалыклар