Гүзәл Сәгыйтова Казан шәһәр думасының XXV сессиясендә иреклеләр хәрәкәтен үстерү концепциясен төзергә тәкъдим итте

Программа ел саен 800 волонтер әзерләүне күздә тота

Фото: Денис Гордийко

(Казан шәһәре KZN.RU, 11 нче октябрь). Бүген Казан Башкарма комитеты җитәкчесе урынбасары Гүзәл Сәгыйтова Казан шәһәр Думасының XXV сессиясендә ел саен волонтерлар әзерләргә һәм аларның һөнәри осталыкларын арттырырга мөмкинлек бирүче иреклеләр хәрәкәтен үстерү концепциясен булдыру тәкъдиме белән чыкты.

«Казан волонтерлык өлкәсендә зур тәҗрибә туплады. Һәм әлеге этапта федераль һәм региональ дәрәҗәдәге норматив-хокукый аспектларга нигезләнгән иреклеләр хәрәкәтен үстерү концепциясен булдыру кирәк дип саныйбыз. Бу волонтерлар һәм алар булырга теләүчеләр өчен ниндидер мотивацион программа булачак. Ул 800 волонтерны әзерләү һәм мотивацияләүне, төрле иреклеләрнең берләшмәләре арасында партнерлык системасын камилләштерүне, волонтерларның һөнәри күнекмәләрен арттыру ысулларын һәм башка күп нәрсәне үз эченә алырга тиеш. Хөрмәтле Илсур Рәис улы (Метшин – ред.иск.), хөрмәтле депутатлар, бу идеяне хуплавыгызны сорыйбыз», - дип белдерде Гүзәл Сәгыйтова сессиядә.

Моннан тыш, Казан Башкарма комитеты җитәкчесе урынбасары шәһәрдә волонтерлыкны үстерүгә грантлар җәлеп итүне билгеләп үтте. Быел Казанның иреклеләр үзәге ТР Яшьләр эшләре министрлыгы үткәргән «Игелекле край» республика конкурсында 377 мең 920 сум акча отты.

Бүгенге көндә Казанда 54 мең волонтёр исәпләнә. 2023 елда 5 меңнән артык бала «Җиңү волонтерлары» Бөтенроссия иҗтимагый хәрәкәтенең акциясендә катнашты: алар ветераннар белән вакыт үткәрделәр, туганнарының каберләрен җыештыруда ярдәм иттеләр, компьютер грамоталылыгына өйрәттеләр, социаль-көнкүреш ярдәме күрсәттеләр».

Руслан Низамиев волонтерлык тормышына үз юлын «Җиңү волонтерлары» хәрәкәтеннән башлый. Менә биш ел инде ул шәһәрнең иреклеләр хәрәкәтләрендә актив катнаша:

«13 яшемнән мин үземне иреклелеккә багышладым, кичә булган кебек хәтерлим. Мәктәп стеналарыннан тыш волонтерлык дөньясына беренче адымым «Җиңү волонтерлары» бөтенроссия хәрәкәтендә һәм, аерым алганда, «Җиңү хатлары» акциясендә катнашу булды. Бу проект миңа тарихка чумарга, Ватаным кичергән фаҗига һәм триумфның бөтен тирәнлеген тоярга уникаль мөмкинлек бирде», - дип сөйләде Казан волонтеры.

Казан Мэры Илсур Метшин Руслан Низамиевка рәхмәт белдерде һәм бөтен ихтыярый эшләренең үзенә меңе белән әйләнеп кайтуын теләде:

«Руслан сезгә һәм бөтен зур матур волонтерлар армиясенә рәхмәт. Сез үз чыгышыгызны йөрәгегез волонтерлык өлкәсендә кешеләргә ярдәм итеп кабынып китте дигән эчкерсез сүзләр белән башладыгыз. Ул һәрвакыт янсын», - диде Илсур Метшин.

Фото: Марат Мөгыйнов