16 августта казанлыларны яшен һәм җилнең тизлеге 20 м/с кадәр артуы көтә

Һава +25-27 градуска кадәр җылыначак.

(Казан шәһәре KZN.RU, 15-нче август). Иртәгә, 16 августта, Казанда җылы, әмма җилле булачак. Яшенле яңгыр явачак, көньяк-көнбатыштан 20 м/с кадәр тизлектә җил исәчәк. Төнлә һава температурасы +14-16 градус булачак, көндез – +25-27. Алмашынучан болытлы һава көтелә.

Татарстан буенча җилнең тизлеге 17 м/с кадәр, ә яшен вакытында 22 м/с кадәр артырга мөмкин. Төнлә урыны белән, көндез күпчелек районнарда яңгыр, республиканың аерым районнарында көчле яңгыр явачак. Урыны белән яшен булуы ихтимал, көндез урыны белән боз көтелә. Төнлә һава температурасы +8-13 градус тәшкил итәчәк, көнбатышта – +18-гә кадәр, ә көндез – +25-30 градус, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар