Казан рәссам-граффитчыларына Бишбалта бистәсендә урнашкан ике бинаның фасадын буярга тәкъдим итәләр

3-нче майга кадәр Татарстан башкаласында иң яхшы паблик-арт эскизына конкурс узачак.

(Казан шәһәре KZN.RU, 3-нче апрель). Бүген Казанда рәссам-граффитчылар һәм урам стрит-арты осталары арасында уздырылучы конкурс старт алды. Анда барлык теләүчеләр катнаша ала. Конкурста җиңүче Бишбалта бистәсендәге ике бина фасадында паблик-арт ясаячак, алар яныннан тәүлегенә 15 меңгә якын машина уза.

Широкая урамының беренче линиясендә урнашкан биналар инде күптәннән яңартуга мохтаҗ. Киров һәм Мәскәү районнарында яшәүче яшьләр инициативасы белән шыксыз биналардан Казанның заманча символларының берсе булачак яңа арт-объект ясарга карар кылынды.

Конкурста катнашу өчен Бишбалта бистәсе тарихына якын тематикада граффити-рәсемнең эскизын булдырырга һәм «граффити конкурсы» тамгасы белән km-smi@mail.ru почтасына җибәрергә кирәк. Конкурс шартлары буенча 2 бинаны да бердәм концепция берләштерергә тиеш.

Конкурс 3-нче майга кадәр үткәрелә. Тулырак мәгълүматны 557-76-41 телефоны буенча ачыкларга мөмкин.

Шулай ук укыгыз

Барлык яңалыклар