Яңалыклар
01.06.2023, 10:50
Салават Күперендә төзелә торган мәктәп 40% ка әзер
Көн саен объектта 400 гә якын кеше эшли
Фото: Киров һәм Мәскәү районнары администрациясе матбугат хезмәте
(Казан шәһәре KZN.RU, 1 нче июнь). Салават Күпере микрорайонында 1,5 мең урынга исәпләнгән мәктәп төзелеше 40% ка тәмамланган. Бүгенге көндә барлык катлар да төзелгән, түбә төзелеше, канализация торбалары һәм җылыту челтәрләрен монтажлау, стеналарны штукатурлау, тәрәзәләрне урнаштыру һәм фасадны бизәү дәвам итә.
Төзелештә 400 ләп кеше катнаша. Мәктәп сентябрь аенда ук укучылар өчен үз ишекләрен ачачак, дип хәбәр иттеләр Казанның Киров һәм Мәскәү районнары администрациясе башлыгы Сергей Мироновның Telegram-каналында.
Н.Фәттах урамындагы яңа белем бирү учреждениесендә 182 нче лицейның өлкән сыйныф укучылары укыячак – ул күршедә урнашкан. Мәктәп ачылу белән микрорайонның башка уку йортларына йөкләнеш кимиячәк.
Исегезгә төшерәбез, Казанда хәзер дүрт гомуми белем бирү учреждениесе төзелә. Алар Сибгат Хәким урамында, Рауис Гәрәев урамында (186 нчы лицей янында), Салават Күпере торак районында һәм «Светлая долина» торак комплексында барлыкка киләчәк.
Казанда барлыгы 200 мәктәп эшли, шул исәптән 169 муниципаль мәктәп, аларда 166 мең 235 укучы белем ала.
Шулай ук укыгыз
-
28.04.2025, 17:54 -
28.04.2025, 16:10 -
28.04.2025, 15:28 -
28.04.2025, 15:14
