ТР Дәүләт кыллы квартеты тимер юл вокзалының тарихи бинасында чыгыш ясаячак

Чыгыш истәлекле датага – Казанга «Хезмәт батырлыгы шәһәре» исемен бирүгә багышланган.

Фото: Салих Сәйдәшев исемендәге Казан Дәүләт Зур концертлар залы матбугат хезмәте

(Казан шәһәре KZN.RU, 1 нче июль). 2 нче июльдә Сәетгалиев урамындагы Казан тимер юл вокзалының 1896 елда төзелгән тарихи бинасында Татарстанның Дәүләт кыллы квартеты концерты узачак.

Квартетның яңартылган составы чыгышы истәлекле датага (2020 елның 2 нче июлендә Татарстан башкаласына «Хезмәт батырлыгы шәһәре» исеме бирелүгә) багышланган. Казанлылар һәм шәһәр кунаклары дөньякүләм классик музыка шедеврларын ишетә алачак.

Концерт 12:00 дә башлана. Керү – ирекле, дип хәбәр иттеләр Салих Сәйдәшев исемендәге Казан Дәүләт Зур концертлар залы матбугат хезмәтендә.

Шулай ук укыгыз

Барлык яңалыклар