Краснодар, Владивосток, Екатеринбург кунаклары Казанның транспорт системасын өйрәнделәр

Алар ТР башкаласында кулланыла торган АСУДД эшен, алмаш мәгълүмат таблосын югары бәяләделәр.

(Казан шәһәре KZN.RU, 13-нче сентябрь). Краснодар, Владивосток, Уфа, Екатеринбург һәм Түбән Тагилдан килгән транспорт тармагы җитәкчеләре Казанга ТР башкаласының транспорт хезмәте күрсәтү һәм юл хәрәкәтен оештыру тәҗрибәсен өйрәнү өчен килделәр.

Кунаклар Казан транспорт комитеты, «Организатор пассажирских перевозок» муниципаль казна учреждениесе, «Автоматизированнная система управления дорожным движением» муниципаль казна учреждениесе һәм «ПАТП №2» муниципаль унитар предприятиесе белән таныштылар.

Кунаклар юл хәрәкәте белән идарә итүнең адаптив системасы, үзгәрешләр таблосы, АСУ-Т системасы һәм шәһәр җәмәгать транспортында йөрү өчен электрон түләү, шулай ук бердәм шәһәр парковка пространствосы эшен югары бәяләделәр.

Кунаклар билгеләп үткәнчә, Казанның транспорт өлкәсе һәм юл хәрәкәтен оештыру тәҗрибәсе аларның төбәкләре өчен бик файдалы һәм киләчәктә дә файдаланылачак, дип хәбәр итә Казанның транспорт комитеты.

Шулай ук укыгыз

Барлык яңалыклар