«Тәмле Казан» гастрономия фестивале кунакларын татар чәй йоласы серләренә өйрәтәчәкләр

Илсур Метшин күп милләтле кухняны, татарстанлыларның кунакчыллыгын әлеге фестивальнең киләчәк уңышының нигезе дип атады.

Фото: Денис Гордийко

(Казан шәһәре KZN.RU, 6-нчы сентябрь, Алинә Бережная). «Тәмле Казан» фестивале 18-нче һәм 19-нчы сентябрьдә Игенчеләр сарае янындагы мәйданчыкта узачак. Казан Мэры Илсур Метшин аңа уңыш теләде,чөнки кече күңеллелек һәм кунакчыллык Татарстан башкаласының визит карточкасы булып тора. Программа турында бүген эшлекле дүшәмбедә шәһәрнең туризмны үстерү комитеты директоры Дарья Санникова сөйләде.

«Гастрономия фестивальләре бөтен дөньяда зур уңышка ия. Аларның кайберләре гасырлар буена яки хәтта ике гасырлык традицияләргә ия. Мәсәлән, Мюнхендагы Октоберфест. Безнең «Тәмле Казан» фестивале үз юлын башлап кына килә, шуңа да карамастан, ул үзен күрсәтте: казанлылар гына түгел, күрше төбәкләрдә яшәүчеләр, бөтен Россиядән туристлар да аңа тотрыклы кызыксыну күрсәтәләр. Беренче адым атланды. Күпмилләтле кухнябыз, шәһәребезнең визит карточкасы булган кунакчыллыгыбыз – әлеге фестивальнең киләчәк уңышының нигезе», – диде Казан Мэры. Ул билгеләп үткәнчә, гастрономия башкаласы статусын алу өчен зур эш башкарылган. Монда хезмәт күрсәтү һәм кунакчыллык өлкәсендә бизнес вәкилләре актив катнашты.

Дарья Санникова сүзләренчә, 2019 елда фестивальдә 65 меңнән артык кеше булган. «Тәмле Казан»ның төп идеясе – шәһәрдә яшәүче халыкларның гастрономик төрлелеген күрсәтү.

«Тәмле Казан» кунакларын оригиналь ризыклардан тыш, милли коллективлар чыгышлары, бәйгеләр һәм мастер-класслар да көтә, шулай ук аларга татар чәй йоласы серләрен ачачаклар. Быел Татарстан продуктларын алга җибәрүгә аерым басым ясалачак. Фермер продуктларын куллана торган туклану нокталары махсус значоклар белән билгеләп үтеләчәк, ә сәхнәдә беренче тапкыр «Татар әбиләре шеф-поварларга каршы» гастрономик шоу-көрәш узачак.

«Тәмле Казан»да Татарстан Республикасыннан «Россия куслары» төбәк азык-төлек брендларының милли конкурсында белдерелгән предприятиеләр катнашачак. Алар арасында ит продукциясе, милли тәм-томнар, сыр һәм хәтта виноград эчемлекләре җитештерүчеләр дә бар. Боларның барысын да фестивальдә сынап карарга, ә ошаган продукцияне сатып алырга мөмкин булачак», – диде Дарья Санникова.

Ул билгеләп үткәнчә, үткәрелә торган фестивальләр быел Казан теркәгән «Россиянең гастрономик башкаласы» брендын алга этәрү өчен бик мөһим. Шулай ук алар кече эшмәкәрлек өчен зур әһәмияткә ия. «Ел саен фестивальләрдә бик күп предприятиеләр катнаша, чөнки бу яхшы старт мәйданчыгы һәм яңа рестораннар өчен үзе турында белдерү һәм булачак клиентларның игътибарын җәлеп итү мөмкинлеге. Ике чара да Кулланучылар хокукларын яклау һәм кеше иминлеге өлкәсендә күзәтчелек федераль хезмәте таләпләре нигезендә оештырылачак», – дип йомгаклады Дарья Санникова.