Казанның Дәүләт автоинспекциясе ике юл-транспорт һәлакәте шаһитларын эзли

Шуларның берсендә 81 яшьлек пенсионер, икенчесендә 12 яшьлек укучы зыян күрә.

(Казан шәһәре KZN.RU, 11-нче май). 8 һәм 10 майда Казанда ике юл-транспорт һәлакәте була, аларда гаепле машина йөртүчеләр һәлакәт урыннарыннан качалар. Дәүләт автоинспекциясе Х.Такташ урамында булган юл-транспорт һәлакәте (81 яшьлек пенсионер ханым зыян күрә) һәм А.Камалиев проспектында булган һәлакәт (12 яшьлек укучы зыян күрә) шаһитларын эзли.

Беренче һәлакәт 8 май көнне 14.30 сәгатьтә Х.Такташ урамының 105-нче йорты янында була. Машина йөртүче пенсионер әбине бәрдерә һәм һәлакәт урыныннан кача. Пенсионер баш мие селкенү шиге белән хастаханәгә озатыла.

10 май көнне тагын бер машина йөртүче 14.35 сәгатьтә А.Камалиев проспектының 26/12 номерлы йорты ишегалдыннан чыкканда, көйләнми торган җәяүлеләр кичүендә 12 яшьлек укучы кызны бәрдерә. Табиблар укучыда тезләре, күкрәк читлеге һәм эче җәрәхәтләре терки. Машина йөртүче юл-транспорт һәлакәте урыныннан кача.

Һәлакәт шаһитларын (843) 533-38-19 һәм 533-38-48 телефоннары аша мөрәҗәгать итәргә чакыралар.

Шулай ук укыгыз

Барлык яңалыклар