Казан дәүләт автоинспекциясе Искра һәм Николай Ершов урамнары киселешендә булган юл-транспорт һәлакәте шаһитларыннан элемтәгә чыгуларын сорый

Машина йөртүче 30 яшьлек кызны бәрдерә һәм авария урыныннан кача.

Фото: Денис Гордийко

(Казан шәһәре KZN.RU, 23-нче март). Казан дәүләт автоинспекциясе 22-нче мартта 8.00 сәгатьтә Искра һәм Николай Ершов урамнары чатында булган юл-транспорт һәлакәте шаһитларын эзли. «Фольксваген» автомобиле йөртүчесе 30 яшьлек кызны бәрдерә һәм авария урыныннан кача.

Беренчел мәгълүматлар буенча, «Фольксваген» автомобиле йөртүчесе, Патрис Лумумба урамы ягыннан Гвардейская урамына таба, Николай Ершов урамы киселешендә сулга борылганда җәяүлегә юл бирмәгән. Кыз көйләнә торган җәяүлеләр кичүе буенча уңнан сулга машиналар хәрәкәте уңаена юл аркылы чыккан. Юл-транспорт һәлакәте нәтиҗәсендә аның балтыр сөяге сынган, медицина ярдәме күрсәтелгәннән соң травмпункттан җибәрелгән.

Казан дәүләт автоинспекциясе әлеге вакыйганың шаһитларыннан түбәндәге телефоннарга шалтыратуын сорый: +7(843)533-38-19, +7(843)533-38-48.

Узган тәүлектә Казанда 177 юл-транспорт һәлакәте теркәлгән, шуларның 4-е – зыян күрүчеләр белән. 2 очрак – транспорт чараларының бәрелүе, 2-се – җәяүлене бәрдерү. Нәтиҗәдә, 2 җәяүле һәм 4 пассажир төрле дәрәҗәдәге авырлыктагы җәрәхәтләр алган.

Шулай ук укыгыз

Барлык яңалыклар