Казанның Дәүләт автоинспекциясе пенсионер ханымны бәрдерү шаһитларын эзли

Юл-транспорт һәлакәте Себер трактындагы 14 нче номерлы йорт янында булган, машина йөртүче вакыйга урыныннан качып киткән.

Фото: Денис Гордийко

(Казан шәһәре KZN.RU, 11 нче май). Казан дәүләт автоинспекциясе 6 нчы майда 15:00 сәгатьтә Себер трактындагы 14 нче номерлы йорт территориясендә булган юл-транспорт һәлакәте шаһитларын эзли.

Билгесез автомобиль йөртүче артка чигенгәндә маневрның куркынычсызлыгына инанмый һәм 62 яшьлек хатын-кызны бәрдерә, шуннан соң вакыйга урыныннан кача. Зыян күрүче төрле авырлыктагы җәрәхәтләр алган. Хастаханәдә аңа медицина ярдәме күрсәтеп, өенә кайтарып җибәргәннәр.

Казан дәүләт автоинспекциясе юл-транспорт һәлакәте шаһитларыннан түбәндәге телефоннар аша элемтәгә керүләрен сорый: +7(843)533-38-19, +7(843)533-38-48.

Узган биш көндә Казанда 306 юл-транспорт һәлакәте теркәлгән, шуларның 17 се зыян күрүчеләр белән, нәтиҗәдә 18 юл хәрәкәте катнашучысы төрле дәрәҗәдәге җәрәхәтләр алган.

Моннан тыш, 6-10 нчы май көннәрендә 2851 машина йөртүче һәм 1368 җәяүле юл хәрәкәте кагыйдәләрен бозган өчен административ җаваплылыкка тартылган, дип хәбәр итә РФ Эчке эшләр министрлыгының Казан буенча ЮХИДИ бүлеге.

Шулай ук укыгыз

Барлык яңалыклар