Дәүләт автоинспекциясе Шамил Усманов урамында җәяүлеләрне бәрдерү очрагының шаһитларын эзли

29 нчы ноябрьдә кыз светофорның яшел төсенә юлны чыга, һәм аны бер машина йөртүчесе бәрдереп китә, соңыннан вакыйга урыныннан кача.

Фото: Денис Гордийко

(Казан шәһәре KZN.RU, 30 нчы ноябрь). Казан дәүләт автоинспекциясе 29 нчы ноябрьдә 20:20 сәгатьтә Ш.Усманов урамындагы 37 нче йорт каршында булган юл-транспорт һәлакәте шаһитларыннан хәбәргә чыгуларын сорый.

Билгесез автомобильне йөртүче 26 яшьлек кызны бәрдерә, ул светофорның яшел сигналына җәяүлеләр кичүе буйлап чыга. Машина йөртүче һәлакәт урыныннан качкан. Зыян күрүче төрле дәрәҗәдәге җәрәхәтләр алган. Табиблар бригадасы кызга ярдәм күрсәтә һәм өенә кайтарып җибәрә. Казан Дәүләт автоинспекциясе әлеге һәлакәтнең шаһитларыннан түбәндәге телефоннар буенча хәбәргә чыгуларын сорый: +7(843)533-38-19, +7(843)533-38-48.

Узган тәүлектә Казанда 106 юл-транспорт һәлакате теркәлгән, аларның 3 сендә зыян күрүчеләр бар. Шулай ук узган тәүлектә 726 машина йөртүче һәм 49 җәяүле юл хәрәкәте кагыйдәләрен бозган өчен административ җаваплылыкка тартылган, дип хәбәр итә Россия Эчке эшләр министрлыгының Казан буенча ЮХИДИ идарәсе.

Шулай ук укыгыз

Барлык яңалыклар