Шәһәрлеләргә “Казан каһарманнары” китабын тәкъдим итәләр

Китапта архив материаллары, белешмә һәм фәнни мәгълүмат, ветераннар һәм аларның туганнары истәлекләре тупланган.

(Казан шәһәре KZN.RU, 8-нче май). 8 май көнне Казанның Үзәк китапханәсендә “Казан каһарманнары” китабы тәкъдим ителә.

Шәһәрлеләрне әлеге уникаль басманың автор-төзүчеләре белән иҗади очрашу көтә. Авторлар Казанда туган, язмышлары Татарстан белән бәйләнгән геройлар турында тарихи материал туплаган. “Казан каһарманнары” китабы – үзләренең гражданлык һәм хәрби бурычын азагына кадәр үтәгән кешеләргә рәхмәт һәм хөрмәт билгесе. Китапта архив материаллары, белешмә һәм фәнни мәгълүмат, ветераннар һәм аларның туганнары истәлекләре тупланган.

Китап “Татарстан геройлары” җәмәгать оешмасы рәисе, Социалистик хезмәт Герое Илдус Мостюков инициативасы беләнказан Мэриясе ярдәмендә чыгарылган.

Тәкъдир итү кысаларында Казан дәүләт филармониясе солистлары башкаруында сугыш елларының шигырьләре һәм җырлары яңгыраячак. Катнашучылар игътибарына “Бөек Ватан сугышының плакат иҗаты”, “Бөек Ватан сугышы чорының китапханәсе” күргәзмә-инсталляцияләре; тематик китаплар күргәзмәсе; хәрби кинохроника кадралын күрсәтү тәкъдим ителә.

Тәкъдир итү 15.00 сәгатьтә Вишневский ур., 10 адресы буенча үтә. Керү бушлай, дип хәбәр иттеләр Мәдәният идарәсендә.

Шулай ук укыгыз

Барлык яңалыклар