IT-паркта узган вакансияләр ярминкәсенә 800-дән артык кеше килде

Эш эзләүчеләргә Казанның 30 предприятиесе һәм оешмасы вакансияләр тәкъдим итте.

(Казан шәһәре KZN.RU, 17-нче декабрь). 12-нче декабрьдә IT-паркта узган шәһәр вакантлы эш урыннары ярминкәсендә 858 казанлы, шул исәптән 113 сәламәтлек мөмкинлекләре чикләнгән кеше булды. Эш эзләүчеләргә шәһәрнең 30 предприятиесе һәм оешмасы вакансияләр тәкъдим итте.

Халыкны эш белән тәэмин итү үзәге базасында 16 меңнән артык вакансия бар, теләгән кешеләр үзләрен кызыксындырган вакансияләр турындагы мәгълүматны бастырып ала алдылар. Бу көнне ярминкәдә эш бирүчеләргә барлыгы 115 юнәлеш бирелгән, дип хәбәр итә Казанның Халыкны эш белән тәэмин итү үзәге.

Белгечләр шулай ук казанлыларга инвалидларны эшкә урнаштыру, мәшгульлек, хезмәт һәм дәүләт гарантияләре, һөнәри белем бирү һәм һөнәри юнәлеш бирү, пенсия белән тәэмин итү мәсьәләләре буенча консультацияләр бирде.

Шулай ук укыгыз

Барлык яңалыклар