Яңалыклар
11.03.2025, 14:43
Шәһәр сәламәтлек саклау идарәсе: ««Яшәү яме» проекты өлкән буын тонусына ярдәм итәргә тиеш»
Күрсәткеч 100 мең кешегә 3269,6 тәшкил итә
Казанда хезмәткә сәләтле яшьтән өлкәнрәк затларның үлем дәрәҗәсе Татарстандагыга караганда түбәнрәк. 2024 ел нәтиҗәләре буенча Татарстан Республикасы башкаласында күрсәткеч 100 мең кешегә 3269,6 булган. Бу хакта бүген Казан буенча сәламәтлек саклау идарәсенең йомгаклау медицина советында аның башлыгы, ТР сәламәтлек саклау министры урынбасары Владимир Филатов хәбәр итте.
Әлеге төркемнең үлемен киметү өчен диспансер күзәтүе мөһим резерв булып кала бирә. Тикшерү планы 98,4% ка үтәлгән. Моннан тыш, 2023 елдан диспансеризация вакытында югары һәм югары декомпенсация куркынычы булган пациентларга аерым игътибар бирелә.
Казанда өлкәннәр астениясе булган пациентлар өчен 22 гериатрия кабинетында авырулар диагностикасын һәм дәвалануын үткәрәләр. Кайбер авыруларны медицина реабилитациясенә җибәрәләр. Шулай ук инвалидлар һәм картлар интернат-йортларында, психоневрологик интернатларда, шулай ук шәхси пансионатларда яшәүчеләрне күзәтү эшләре алып барыла.
Өлкән буын вәкилләренә исәпләнгән «Яшәү яме» проектын гамәлгә ашырган өчен Казан буенча сәламәтлек саклау идарәсе башлыгы шәһәр башкарма комитетына рәхмәт белдерде. «Проект хезмәткә сәләтле яшьтән өлкәнрәк кешеләрне мәдәни тормышка җәлеп итәргә, аларның эчтәлекле ялын тәэмин итәргә һәм югары тормыш тонусына ярдәм итәргә тиеш», – дип билгеләде ул.
Узган ел «Йөзьяшәрләр уеннары. Яшәү яме» спартакиадасында 55 яшьтән алып 3 мең кеше катнашты. Иң өлкәненә 90 яшь иде. «Көмеш» һәм «алтын» яшьтәге шәһәр халкы 10 спорт төрендә ярышты.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
