ТР Гидрометеорология үзәге: ял көннәрендә республикада яңгыр көтелә

Иртәгә Казанда урыны белән яшен булырга мөмкин.

Фото: Денис Гордийко

(Казан шәһәре KZN.RU, 12 нче май). Синоптиклар фаразлавынча, 13 нче майда Казанда алмашынучан болытлы һава торышы булачак. Төнлә явым-төшем көтелми, көндез урыны белән яңгыр, яшен булырга мөмкин. Җил төньяктан, төньяк-көнбатыштан секундына 6-11 метрга кадәр (урыны белән секундына 15-17 метрга кадәр көчәячәк) булачак. Һава температурасы төнлә +6-8 градус җылы тәшкил итәчәк, көндез +21 дән +23 градуска кадәр булыр дип фаразлана.

Татарстанда 13 нче май төнендә явым-төшем көтелми, ә көндез төньяк циклон тәэсирендә урыны белән бераз яңгыр явачак. Төнге сәгатьләрдә һава температурасы +3 тән +8 градуска кадәр, көндез +18 дән +23 градуска кадәр тәшкил итәчәк.

Якшәмбе, 14 нче майда, республика атмосфера басымының түбәнәйгән кырында тотрыксыз һава массасында булачак. Болытлы һава торышы көтелә, яңгыр булырга мөмкин. Көндез аерым районнарда синоптиклар яшен һәм җилнең секундына 15-18 метрга кадәр көчәюен фаразлый. Төнлә температура +3 тән +8 градуска кадәр, көнбатышта +11 градуска кадәр тәшкил итәчәк. Көндез термометр баганалары +15-20 градуска кадәр күтәреләчәк.

15 нче һәм 16 нчы майда Татарстанда да уртача җылы, тотрыксыз һава торышы сакланачак, урыны белән яңгыр көтелә. 15 нче майда көндез һаваның максималь температурасы +16 дан +21 градуска кадәр булачак, 16 нчы майда һава +19-24 градуска кадәр җылыначак, дип хәбәр итә ТР Гидрометеорология үзәгенең матбугат хезмәте.

Шулай ук укыгыз

Барлык яңалыклар