ТР Гидрометеорология үзәге: атна ахырында буран һәм көчле җил фаразлана

21 нче февральдә көндез Казанда азрак кар явачак.

Фото: Денис Гордийко

(Казан шәһәре KZN.RU, 20 нче февраль). 21 нче февральдә Казанда аязучан болытлы булачак. Кар, көньяк-көнчыгыштан уртача җил, юлларда бозлавык фаразлана. Төнлә һава температурасы -12-14 градус, аязганда -16 градуска кадәр, көндез -6 дан -8 градуска кадәр булачак. Тулаем алганда, Татарстан буенча урыны белән кар көтелә. Төнге сәгатьләрдә -10 градустан -15 градуска кадәр, аязганда -19 градуска кадәр, көндез -4-9 градуска кадәр булачак.

Республикада 22 нче һәм 23 нче февральдә һава шартлары көнбатыш циклонының тыл өлеше йогынтысында формалашачак. Синоптиклар урыны белән буран һәм көчле җил вәгъдә итәләр. 22 нче февральдә төнлә һава температурасы -10-15 градус булачак, көндез термометр баганалары -5 градуска кадәр күтәреләчәк. 23 нче февральдә тәүлек дәвамында -15 градуска кадәр, төнлә аязганда -20 градуска кадәр көтелә. Бу көнне җил секундына 15-16 метрга кадәр көчәячәк.

Атна ахырына атмосфера басымы артачак, ә температура фоны түбәнәячәк.
Тәүлекнең төнге вакытында 24 нче февральдә һава температурасы -19-24 градус,
көндез -10-15 градус тәшкил итәчәк. 25 нче февральдә кар, буран һәм көчле җил
фаразлана. Һава температурасы -12 градустан -17 градуска кадәр, аязганда -22
градуска кадәр булачак, көндез температура -1-6 градуска кадәр күтәреләчәк, дип
хәбәр итә ТР Гидрометеорология үзәге.

Шулай ук укыгыз

Барлык яңалыклар