ТР Гидрометеорология үзәге: якын көннәрдә һава температурасы нормадан 8-10 градуска югарырак булачак

ТР Гидрометеорология үзәге: якын көннәрдә һава температурасы нормадан 8-10 градуска югарырак булачак

<p> </p> <div class="detail-picture"> <img src="https://kzn.ru/upload/iblock/78f/DEN_8227-870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 23 нче декабрь). Якын көннәрдә Татарстанда тәүлеклек уртача һава температурасы климат нормасыннан 8-10 градуска югарырак булачак. <p> </p> <p> 24 нче декабрьдә Казанда болытлы һава торышы көтелә, кар, юеш кар һәм яңгыр булачак. Көньяк-көнбатыш, көньяктан уртача җил фаразлана. Төнлә һава температурасы -1 дән +1 градуска кадәр, көндез +1 дән +3 градуска кадәр булачак. Юлларда урыны белән көчле бозлавык, кар боткасы саклана. </p> <p> Синоптиклар фаразлавынча, 24 нче һәм 25 нче декабрьдә Татарстанда төньяк-көнбатыш циклонының атмосфера фронтлары йогынтысында кар, юеш кар, яңгыр һәм буран, көньяк-көнбатыштан секундына 15-17 метрга кадәр җил көтелә. Шимбә көнне һава температурасы -2 градустан +3 градуска кадәр, якшәмбе көнне +1 градустан -4 градуска кадәр, төнлә көнчыгышта -8 градуска кадәр булачак. Ял көннәрендә юлларда көчле бозлавык һәм кар боткасы булырга мөмкин. </p> <p> Киләсе атна башында һава торышы көнбатыш антициклонга күчәчәк. Яңгыр әкренләп туктаячак, һава температурасы төшәчәк. 26 нчы декабрь төнлә -4-9 градуска кадәр, көндез -2-7 градус салкын булыр дип көтелә. 27 нче декабрьдә төнге сәгатьләрдә һава температурасы -8 дән -13 градуска кадәр, көндез синоптиклар -5 градустан -10 градуска кадәр булыр дип фаразлый, дип хәбәр итә ТР Гидрометеорология үзәге. </p>

2022-12-23T16:17:37+0300