ЮХИДИ Идел буе һәм Центральная урамнарында булган юл-транспорт һәлакәте шаһитларын эзли

Узган тәүлектә Казанда 168 юл-транспорт һәлакәте теркәлгән.

(Казан шәһәре KZN.RU, 18-нче август). Казанда ике юл-транспорт һәлакәтенең шаһитларын эзлиләр.

16-нчы августта 23.30 сәгатьтә Идел буе урамындагы 82-нче йорт каршында билгесез автомобиль йөртүчесе куркынычсыз тизлек сайламаган һәм каршылыкка килеп бәрелгән. Юл-транспорт һәлакәте нәтиҗәсендә 19 яшьлек пассажирның баш сөяге-мие җәрәхәтләнгән, баш мие тетрәгән, сул чигә өлкәсеҗәрәхәтләнгән, баш сөягенең уң як сөяге сынган. Йөртүче юл-транспорт һәлакәте урыныннан качкан.

Икенче юл-транспорт һәлакәте 17-нче августта 00.05 сәгатьтә Центральная урамындагы 211а йорт каршында була. Якынча мәгълүматлар буенча, билгесез автомобиль йөртүчесе куркынычсыз ян интервалын сайламаган һәм автомобиль хәрәкәте буйлап хәрәкәт иткән 50 яшьлек җәяүлене бәрдергән. Машина йөртүче шулай ук һәлакәт урыныннан качкан. Юл-транспорт һәлакәте нәтиҗәсендә җәяүленең сул кабыргасы сынган.

Казан дәүләт автоинспекциясе шаһитлардан түбәндәге телефоннар буенча шалтыратуларын сорый: +7(843)533-38-19 һәм +7(843)533-38-48.

Узган тәүлектә Казанда 168 юл-транспорт һәлакәте теркәлгән, шуларның 7-сендә зыян күрүчеләр бар (4 җәяүлене бәрдерү, автомобильнең каршылыкка бәрелүе һәм аударылуы), 14 юл-транспорт һәлакәтендә катнашучы (2 машина йөртүче, 4 җәяүле һәм пассажир) төрле дәрәҗәдәге җәрәхәтләр алган.

Шулай ук укыгыз

Барлык яңалыклар