«Зур тәнәфес - 2019» гала-концерты Казанда 16 апрельдә узачак

Финалга чыгу өчен 3 мең катнашучы көч сынашты.

(Казан шәһәре KZN.RU, 2-нче апрель). 16-нчы апрель көнне Казанда В.И.Ленин исемендәге мәдәни-ял итү комплексында шәһәрнең «Зур тәнәфес -2019» гомуми белем бирү учреждениеләре фестиваленең зур гала-концерты узачак. Сәхнәдә мәктәпләр арасындагы, район һәм шәһәр сайлап алу этапларын узган талантлы вокалистлар һәм биючеләр, яңа башлаучы стэндаперлар һәм конферансье, театрал һәм циркачлар чыгыш ясаячак. Финалга чыгу өчен барлыгы 3 мең катнашучы – 1-11 сыйныф укучылары көч сынашты.

Сайлап алу турлары нәтиҗәләре буенча жюри түбәндәге дүрт юнәлештә иң яхшыларны ачыклады: музыкаль, бию, театр һәм үзенчәлекле. Барлык юнәлешләрне дә уртак «Осталык бөтен җирдә дә хөрмәт ителә» тематикасы берләштерде.

Быел конкурска WorldSkills-2019 эшче һөнәрләр дөнья чемпионатына багышланган махсус номинация кертелгән. Концертка керү бушлай. Билетларны 8-нче апрельдән балалар һәм яшьләр эшләре комитетында (Петербург ур., 70, 13-нче кабинет) алырга мөмкин. Белешмәләр буенча (843) 238-39-96 телефонына шалтыратыгыз .

Шулай ук укыгыз

Барлык яңалыклар