Эрмитажның фотограф-рәссамы Юрий Молодковец Казанда лекция белән чыгыш ясаячак

Очрашу-лекция «Эрмитаж-Казан» үзәгендә 26-нчы февральдә 16.00 сәгатьтә башлана.

(Казан шәһәре KZN.RU, 5-нче февраль). 26-нчы февральдә Дәүләт Эрмитажы рәссамы Юрий Молодковец Казанда лекция белән чыгыш ясаячак һәм фотографка ни өчен талант, сәламәтлек һәм Instagram кирәк булуы турында сөйләячәк. Чара фотографларга, музей хезмәткәрләренә һәм Эрмитаж, сәнгать һәм социаль челтәрләр белән кызыксынучыларга кызыклы булачак.

Юрий Молодковец - Эрмитаж җыелышларына һәм коллекцияләренә багышланган 200-дән артык каталог һәм альбомнарга фотографияләр төшергән автор. Ул Санкт-Петербургның Россия һәм чит ил арт-журналлары һәм сәнгать, архитектура һәм дизайн буенча арт-басмалар белән актив хезмәттәшлек итүче иң кызыклы фотографларының берсе, Россия һәм Европа күргәзмәләрендә узган 30-дан артык шәхси масштаблы фотопроектлар авторы буларак билгеле. Фотограф эшләре Россиянең 16 музей җыентыкларында, шулай ук Россия, Франция, Бөекбританиянең шәхси коллекцияләрендә саклана.

Очрашу-лекция «Эрмитаж-Казан» үзәгендә 16.00 сәгатьтә башлана. Керү ирекле, дип хәбәр итә музейның матбугат хезмәте.

Исегезгә төшерәбез, 25-27 февральдә «Матисс. Пикассо. Шагал…» дип исемләнгән күргәзмәдә ротация булачак, аның барышында экспозиция ябылачак. Барлыгы 125 сәнгать әсәре һәм декоратив-гамәли сәнгать предметлары алмаштырылачак.

Шулай ук укыгыз

Барлык яңалыклар