Казанда «Мәктәп волейбол лигасы» финалы узды

Яшьләр арасында беренче урынны Казанның 16-нчы номерлы гимназиясе укучылары яулады.

Фото: Физик культура һәм спорт комитеты

(Казан шәһәре KZN.RU, 30-нчы май). Бүген «Санкт-Петербург» волейбол үзәгендә Татарстанның 2020-2021 сезонының «Мәктәп волейбол лигасы» финал уеннары узды. Турнирга республиканың төрле шәһәр һәм районнарыннан килгән егетләр һәм кызлар арасында 6 команда көч сынашты. Җиңүчеләр арасында Казан спортчылары да бар иде.

Гомумкоманда зачетлары йомгаклары буенча яшүсмерләр арасында беренче урынны 16-нчы номерлы татар-инглиз гимназиясе укучылары алды, икенче урында – Түбән Кама районының 35-нче номерлы лицее укучылары һәм өченче урында – Яшел Үзән районының В.Карпов исемендәге лицей укучылары.

Кызлар арасында гомумкоманда зачетлары нәтиҗәләре буенча Кайбыч районыннан Е.Г.Тутаев исемендәге Федоровский урта гомуми белем бирү мәктәбе спортчылары җиңде, көмеш исә Тәтеш районы Шәдке урта мәктәбе укучыларына һәм «бронза» – Казанның 85-нче номерлы мәктәбе волейболчыларына эләкте, дип хәбәр итә Физик культура һәм спорт комитеты.

Бүләкләү тантанасында призлы урыннар алган яшь спортчыларга кубоклар һәм медальләр тапшырылды. Җиңүчеләрне ТР Дәүләт Советы рәисе, Татарстан Волейбол федерациясе президенты Фәрит Мөхәммәтшин котлады.

Исегезгә төшерәбез, Татарстан Республикасының «Мәктәп волейбол лигасы» спорт мәктәпләрендә профессиональ рәвештә волейбол белән шөгыльләнми торган балалар өчен һәвәскәр турнир. Лиганың икенче республика сезоны узган елда старт алды, анда 722 мәктәптән 18 меңнән артык укучы катнашты.

Шулай ук укыгыз

Барлык яңалыклар