«Елның иң яхшы студенты» премиясе финалы Казанда Россиянең 60 төбәгеннән 400 гә якын кеше җыйды

Конкурсантлар 11 номинация буенча үз казанышларын тәкъдим итәчәкләр, иң яхшыларның исемнәре 30 нчы ноябрьдә билгеле булачак

Фото: vk.com/student.goda

(Казан шәһәре KZN.RU, 28 нче ноябрь). Казанда 27-30 нчы ноябрьдә «Ел студенты» Россия илкүләм премиясе финалы уза. Конкурсның йомгаклау этабы илнең 60 төбәгеннән 400 гә якын һөнәри белем бирү оешмаларын берләштерде. Беренче тапкыр премиядә Запорожье өлкәсеннән студент катнаша.

Өч көн дәвамында конкурсантлар кейслар һәм тестлар чишәчәк, ачык дәресләрдә, дебатларда, уеннарда катнашачак һәм проектлар төзиячәк. Сынау нәтиҗәләрен иҗтимагый, сәяси һәм фәнни эшлеклеләр, спортчылар, мәдәният һәм сәнгать эшлеклеләре, журналистлар һәм медиа шәхесләр бәяләячәк.

Премиягә нәтиҗәләр 30 нчы ноябрьдә ясалачак. Җиңүчеләрне 11 номинациядә билгеләячәкләр, алар арасында – «Елның иң яхшы профессионалы», «Елның иң яхшы җәмәгатьчесе», «Елның иң яхшы старостасы», «Елның иң иҗади шәхесе», «Елның иң патриотик берләшмәсе», «Елның иң яхшы киберспорт клубы» һәм башкалар.

Быел конкурс унынчы тапкыр үткәрелә. Аның максаты – иҗат, спорт, яшьләр сәясәте, студентлар лидерлыгы, иҗтимагый эшчәнлек һәм иреклелек өлкәсендә казанышлары булган һөнәри белем бирү оешмалары студентларын хуплау, дип хәбәр ителә «Россия яшьләр берлеге» иҗтимагый оешмасының сайтында.

Шулай ук укыгыз

Барлык яңалыклар